Bisayang Chika
Merry Christmas mga SKB! Kumusta ang inyong mga rampa dire, rampa didto, rampa bisag asa!? Hahahahha! Ang inyong Yur’s truly wala usab nagpaulahi og rampa para kini sa inyong mga BisChikadora, pwede ra pud sa ekonomiya sa Pilipinas. Una nakong girampa ang usa ka dog show kung diin ang inyong Mother Butanding ang nahimong host sa My Pet One Club Dog Cares on Wheels Cebu in partnership with Pikes nga gipanag-iya sa magtiayong Pia ug Cean Yuson. Kanhi kauban sa trabaho, karun usa na ka businesswoman si Pia Yuson. Isip usa ka host daghan usab ko og nahibaw-an isip pet owner, dili lang kutob sa paghatag og vaccine ang inyong responsibilidad kung dili hasta usab ang ilang grooming ug pag-maintain sa kalimpyo sa ilang palibot, ingon man ang pag-amuma sa atong pet ug pagmahal mao ang labing importante! Mao nga si ALyur (combination nga Alden ug Yuri), ang akong ikaduhang baby karun. Bisan pa man medyo grabe ang giagian ni ALyur, dunay infections, malnourished ( wa naliwat nako nga overweight ), anemic ug uban pa. Mao nga fight fight fight ang among drama. Fight gyud ko sa mga bills sa animal clinic! Hahahahhaha! Mga sunod Domingo nga maabot ipailaila nako ninyo ang nag – iisang ALyur ng buhay ko!
Puno usab sa kinabuhi ang re-opening sa Rooftop sa Golden Peak Hotel— mao kini ang ikaduhang rampa nga gitikang sa inyong Mother Butanding! Good music kauban ang 2014 Sinulog Idol nga si Bryan Deiparine ug ang iyang mga cousins for a night of acoustics. Atong gabhiuna dili lang musika ang dalit sa maong event kung dili aduna usab kini’y mga papremyo sama sa wheel of prizes, beerpong, videoke ug games pa more! Big discounts usab ang gihatag sa ilang rooms. Mao nga sa mga gusto mag chillax sa weekend ug gusto mag Top of the world? Perfect ni para sa imo!
Perfect usab ang Type One Dance Group para sa bag-o lang nahuman nga Dance Fest 2015 nga hatod kaninyo sa SM City! Ilang nalangkat ang tropeyo ug ang hugyaw nga cash prize gikan sa SM City ug mga sponsors niini. Mas nahimo pang hugyaw ang maong DanceFest kay nakauban nato ang Kapuso Hunk nga si RodJun Cruz, usa siya sa mga hurado ug nihalad pa kini og kanta, plus a very hot dance number. Sa tanang winners…Congratulations! Hangtud sa sunod na pud natong panagtigi sa dance floor!
Siyempre magpasalamat usab ko sa YurEventsAndProductions Team nga nahimong malampuson ang atong mga events tungod usab kaninyo! Basta magtinabangay lang gyud kita ug mahalon nato ang atong trabaho. Maghinaut ko sa mga musunod pa nga mga events naa lang gihapon mo! Salamat kaninyo!
Ayaw sipyata sunod Domingo para sa Kinsa Siya? Usa ka local modeling agency gikuha ang serbisyo sa usa ka photographer, apan duna’y nahibaw-an si Photographer sa maong local modeling agency. Unsa kini??? Atangi sunod Domingo dire lang sa inyong Banat Hugyaw!
- Latest
