Hawok pa more

CEBU, Philippines – Tua sa London ang ASAP XX cast aron mag-show, busa nakahigayon sila si Piolo Pascual ug Maja Salvador ug mga kaubanan sa pagpanuroy. Pag-abot nila sa lugar diin gimugna ang kissing scene nila ni Julia Roberts ug Hugh Grant sa pelikulang “Notting Hill” kaniadto, ila kining gisundog.

Healthy competition

Gihimakak ni Vice Ganda nga aduna silay giandam karon nga segment diin mag-dubsmash siya isip alkontra sa Showtime sa katigi nila nga Eat Bulaga. Para kang Vice “healthy competition” matud pa ang naa nila, ug kini dili kay tali lamang sa Showtime ug Eat Bulaga, kundili sa tibuok network sukad pa kaniadto.

Happy lang

Lakip si Rocco Nacino sa mga nalipay sa nahitabo karon sa career ni Alden Richards. Sa nasayran ka batch sila si Rocco ug Alden sa Starstruck 5 kaniadto. Si Rocco nahimong runner-up, samtang si Alden kutob lamang sa Top 60. Managsama matud pa sila og handler busa aduna silay “level of closeness” ni Alden nga gihulagway niya nga angayan gyud sa mga grasya nga nadawat niini karon.

Naulian na ang bata

Wala na matud pa nanluod si Vin Abrenica sa TV5 ug gikalimtan na niya kadtong panahon nga gipahungaw niya nga medyo napasagdan sa network ang iyang career sanglit dugay na matud pa kadto. Palusot ni Vin, mura matud pa siya og baby, ug ang mga babies luoran. Karon, leading man siya ni Jasmine Curtis Smith sa Pinoy version sa koreanovela nga “My Fair Lady” nga magsugod na karong September 14 sa primetime.