Heart kailangang piliin ang asawa kaysa sa career
Hindi ba maaring isakripisyo ni Heart Evangelista ang ilan niyang trabaho para makasama sa kampanya sa pulitika ni Sen. Chiz Escudero? Malaki ang magiging epekto ng absence niya sa asawa niya. Hahanapin at hahanapin siya ng mga tao. Baka sabihin pa ng mga kritiko nila na kung siya ay hindi nakumbinsing sumama kay Chiz, paano pa ang mga tao?
Naku, Heart, mag-isip-isip ka naman!
Rocco malaki ang nagastos sa kagat ng aso
Napakarami naman yatang ineksyon ang ibinigay kay Rocco Nacino dahil sa pagkakakagat sa kanya ng aso ng girlfriend niyang si Lovi Poe. Bakit naman napakarami, eh ang friend kong si Veronica Samio ay nakagat din ng isang imported na aso pero hindi naman kasing dami ng injections ni Rocco. Wala bang standard na bilang ng ineksyon para sa nakagat ng aso?
Jasmine alagang-alaga ng TV5
Hindi naman pala buo ang retrenchment ng mga palabas ng TV5. Magkakaro’n pa rin sila ng mga teleserye tulad ng gagawin ni Jasmine Curtis-Smith na My Fair Lady kasama sina Vin Abrenica at Luis Alandy. Mapapanood na ito sa September 14.
Alden at Maine may magic
Marami ang nag-aabang sa tuluyang pagkikita nina Alden Richards at Maine Mendoza aka Yaya Dub. Akalain mo, matagumpay na silang loveteam, pero up to now ay hindi pa sila nagmi-meet? Paano nangyari ‘yun?
- Latest
