Kasama ni Kris sa Etiquette… idol si AiAi

Christian walang appeal kahit nakahubad sa billboard

SEEN: Ang deklarasyon ni Angelica Panganiban na si Davao City Mayor Rodrigo Duterte ang presidentiable na susuportahan niya sa 2016 elections.

SCENE: Ang appeal ni Ogie Alcasid na suportahan at magbigay ng donasyon kay Moira, ang anak nina Bunny Paras at DJ Mo Twister na may sakit na Friedreich ataxia, ang karamdaman na nakakapagparalisa ng katawan.

SEEN: Si Eddie Garcia ang oldest celebrity endorser ng Bench. Tampok si Eddie sa Love Local campaign ng Bench at first time niya na magkaroon ng giant billboard sa EDSA.

SCENE: Balik-EDSA uli ang mga sexy billboard ng mga artista at model. Kahit topless, walang appeal si Christian Bautista sa billboard niya.

SEEN: Ginunita ng pamilya ni Mark Gil noong Martes, September 1, ang unang anibersaryo ng kanyang kamatayan. Liver cancer ang ikinamatay ni Mark noong 2014.

SCENE: Si AiAi delas Alas ang idol ni Cheena Crab, ang comedienne na introducing sa Etiquette for Mistresses. Pareho ang hugis ng mga mukha nina AiAi at Cheena.

SEEN: Lumipad na kahapon sa United Kingdom ang mga artista ng ABS-CBN na kasali sa ASAP London show sa Linggo, September 6.

SCENE: Minamadali ang shooting ng Etiquette for Mistresses ng Star Cinema dahil ngayong September ang playdate ng pelikula nina Claudine Barretto, Iza Calzado, Kim Chiu, at Kris Aquino.