Kasalan sa December daw: Pauleen 3 karats ang suot na engagement ring, bibili na rin ng wedding gown sa Amerika?!

MANILA, Philippines – Masayang lumipad pa-Amerika si Pauleen Luna na malamang ay magiging Mrs. Vic Sotto na raw bago mag-Pasko.

Ito ay matapos aminin ni Bossing Vic na engaged na sila ng co-host niya sa Eat Bulaga kahapon sa presscon para sa kanyang bagong endorsement.

Papunta si Pauleen sa US para sa kasal ng kanyang pinsan na nag-request daw na dumalo ang TV host/actress. Pero bukod sa kasalan, malamang na bumili na rin daw si Pauleen ng wedding gown doon ayon sa super reliable source na kadaldalan ko kahapon.

“Tiyak mamimili na siya either Vera Wang o Monique Lhuillier,” say pa ng source.

Sa Hong Kong pala ni Bossing Vic binili ang engagement ring ni Pauleen nang magbakasyon doon ang mga host ng Eat Bulaga na hindi kasama si Pauleen dagdag ng source.

Ang palagay ng source ko, na-miss ni Bossing si Pauleen kaya pagbalik ng bansa ay inaya niya itong mag-dinner at doon ibinigay ang singsing at tinanong ng ‘will you marry me?’.

Umiiyak daw noon si Pauleen sa sobrang kaligayahan nang marinig niya ang alok ni Bossing.

Ang pakiramdam ng source, worth P1.5 million ang halaga ng singsing na isang solitaire engagement ring na 3 karats, na suot ni Pauleen ngayon.

Simpleng wedding lang daw ang plano ng magkarelasyon at strictly for family and friends lang ayon pa sa source.

After the kasal daw ay may titirhan na ang dalawa dahil matagal na silang nagpapatayo ng sarili nilang bahay.

Nadine 1-m na rin ang IG followers

Wow, 1 million na rin pala ang followers ni Nadine Lustre sa Instagram.

Tinalbugan pa niya ang maraming Kapamilya stars na matagal nang active sa social media.

Kung sabagay, ang lakas talaga ng dating nila ni James Reid sa On The Wings of Love.

Kaya naman nagpasalamat si Nadine sa kanyang followers.

Imbes na mag-thank you at kilala pa, Rica tinawag na unprofessional ang mga nurse na nagpa-picture sa kanya

Nagwala ang inactive actress na si Rica Peralejo kahapon sa kanyang Instagram account nang magpa-picture sa kanya ang mga nurse ng hospital na pinuntahan niya.

Ang feeling niya, nasa hospital siya dahil masama ang pakiramdam niya.

“I find it absolutely unprofessional that nurses&staff in the hospital will want to take my photo ONE BY ONE despite the fact that I am here - precisely because I am not feeling well. Hospital: st luke’s BGC.” Emote niya.

Pero reaction naman ng ilang followers niya, dapat pa nga raw sanang nagpasalamat si Rica dahil may nagpapa-picture sa kanya kahit wala na siyang career. Hindi na raw sana niya ibinunyag sa social media dahil malamang na mawalan ng mga trabaho ang mga nurse na ‘yun dahil sa ginawa niya. Tanong pa ng ilan, paano naman siya nakapag-social media kung masama talaga ang pakiramdam niya?

Disney brand makikita na sa SM malls

Akala ko pa naman ia-announce na ng SM na magkakaroon na ng Disneyland sa bansa the other night nang magkaroon sila ng malaking press gathering sa MOA Arena. Parang matatagalan pa bago matupad ang pinapangarap ng maraming batang Pinoy na madalas makita sina Mickey Mouse and Minnie Mouse at marami pang ibang Disney characters.

Pero ang magandang balita naman, makakapiling ng mga bata ang  Star Wars Galactic dahil ito ang tema ng Pasko ng SM Supermalls.

Bahagi lang ito sa announcement ng collaboration ng SM with The Walt Disney Company Southeast Asia to bring the Disney brand of stories sa mga Pinoy sa kanilang mga mall, retail, entertainment and amusement opportunities. Yup, the two companies aim to bring Disney, Marvel, Pixar and Star Wars brands to life through unique Disney experiences at SM’s many leisure and entertainment properties. Fans can look forward to a host of innovative offerings including Disney branded events, promotions and other unique experiences themed around fan-favorite Disney brands and characters.

“We are thrilled to be associated with the iconic Walt Disney Company. Mr. Henry Sy Sr. envisioned and purposed a second home for Filipinos across the nation where they can create memorable bonding activities with their families through amusement facilities, retail centers, and food establishments, all found in one mall,” sabi ni Mr. Edgar Tejerero, president of SM Lifestyle Entertainment, Inc. “65 years later, and with 52 malls across the Philippines, it had just been high time that SM forged an official collaboration with the best family entertainment company in the world,” dagdag ni Mr. Tejerero.

“Every day, we make millions of Filipinos laugh and smile with our stories and characters from Disney, Marvel, Pixar and Star Wars. We have worked with the various arms of SM group over the years and today we are delighted to announce our collaboration on a comprehensive plan to create magical moments and memories that will last a lifetime for fans across the Philippines,” sabi naman ni Mr. Rob Gilby, Managing Director, The Walt Disney Company Southeast Asia.

“SM has synergized the efforts of all its subsidiaries -- including SM Supermalls, SM Markets, The SM Store, Toy Kingdom, and its lifestyle and entertainment arm, SM Lifestyle Entertainment, Inc. – to produce a complete and one-of-a-kind Disney experience for its patrons: from the moment they enter the mall to watch a movie, to the time they purchase their favourite snack and Disney merchandise. Patrons can also take their SM Cinema and Disney experience with them home, or wherever they go, through the newly launched Blink app,” ayon pa sa kanilang press statement.