Angelica gipanalipdan ni Alex

CEBU, Philippines – Nagkatawa lang si  Alex Medina sa report nga matud pa daghan kaayo og arte si  Angelica Panganiban sa set sa seryeng Pangako Sa 'Yo. Midala si Alex sa role nga Simon nga ex-boyfriend ni Madam Claudia (Angelica)." Professional. Tahimik lang siya 'tapos usap-usap sa eksena. Kapag rumolyo na, yun na," tsika pa ni Alex ngadto sa pep.ph.

Yaya Dub target sa politiko

Gikatahong aduna'y mga politiko ang gusto mokuha kang Yaya Dub o Maine Mendoza isip ilang endorser sa umaabot nga piniliay sunod tuig. Apan dili intresado si Yaya Dub niini.

Richard naka-gold medal

Nalangkat ni Richard Gomez ang gold medal sa bag-ohay lang nga Asian Master's Fencing Championship nga gipahigayon sa PhilSports Complex sa Pasig City. "Thank you, Lord! Thank you for the support of my teammates and coach Benny. Thank you for the continous support of my lovely wife Lucy Torres Gomez, "saysay pa ni Richard.

Alden target sa Cosmo

Niulbo ang taho nga matud pa gitanyagan si  Alden Richards nga morampa  sa  Cosmo Bachelor Bash apan gibalibaran kini sa GMA Artist Center. Si Alden unta ang finale sa maong kalihukan.

Okay lang ni Sheryn

Gikatahong nailog na ni Angeline Quinto ang titulo nga  Queen of Teleserye Theme Songs . Apan gitataw ni Sheryn nga okay lang kini kaniya ug gipasigarbo nga nahimo siyang kabahin sa maong titulo. Kahinumduman nga si Sheryn maoy nagkanta sa mga theme song sa serye sa ABS-CBN kaniadto sama sa Marina, Krystala, Kampanerang Kuba, Gulong ng Palad, Maria Flordeluna,  ug Prinsesa ng Banyera."Okay lang po at least may nakasunod naman. At least nabansagan ako ng Queen of Teleserye Theme Songs before which I'm very fortunate enough to have that opportunity na mabigyan ng trono na ganyan. Pero kung may bago naman, at least may chance din ang iba at hindi lang ako," saysay pa ni Sheryn ngadto sa push.com.ph.

Cristalle ug Justin engaged na

Engaged na sila si Cristalle Belo Henares ug ang iyang boyfriend nga si Justin Pitt. Gipadayag kini ni Cristalle pinaagi sa iyang Instagram account kung diin gi-post niya ang hulagway sa singsing nga hinatag ni Justin.

Megan gidayeg ni Nova

Nakadayeg si Nova Villa sa batasan ni  Megan Young gumikan kay mapaubsanon  kaayo kini sa set sa seryeng Marimar . Wala gyud matud pa nausab ang batasan sa beauty queen bisan pa man sa kataas na sa istado niini.  "Very down-to-earth pa rin siya," nagkanayon si Nova.

Career ang prayoridad

Giklaro ni Ruffa Gutierrez nga gihatagan niya og dakong atensyon karon mao ang iyang showbiz career ug dili ang iyang  boyfriend nga si Jordan Mouyal. "Hindi naman siya ang priority ko," hirit pa ni Ruffa.

Anne magsuwat og libro

Magsuwat si Anne Curtis og children's book ug padayon pa siya nga naghuna-huna sa mahimong titulo.  Malipayon si Anne gumikan kay masuwayan na niya ang ubang butang.

Rufa Mae naghambin og sakit

Gi-post ni Rufa Mae Quinto sa social media ang iyang  hulagway kung diin nanglagom ang pipila ka bahin sa iyang lawas.

Wala modirekta og hatag og detalye  si Ruffa Mae sa dihang gi-post niya ang maong hulagway niadtong Biyernes.

Duna pud siya'y video nga gi-post  kung diin naghilak siya gumikan sa iyang nahiaguman.

Nagpasalamat ang 37 anyos nga aktres ngadto sa mga doktor gumikan sa pagluwas sa iyang kinabuhi.

YFSF contestants gipaila na

Gipaila na sa  ABS-CBN ang walo ka  celebrity contestants sa bag-ong season sa  Your Face Sounds Familiar.

Magsibli gihapon nga hurado sa maong show sila si  Gary Valenciano, Jed Madela ug Sharon Cuneta.

Magtigi sa maong show sila si  Sam Concepcion, KZ Tandingan, Kakai Bautista, Michael Pangilinan, Angel Myrtle Sarrosa, Eric Nicolas, Kean Cipriano ug  Denise Laurel.