Dihang nilugwa akong turtle

Ingon si Lola Nidora (Wally Bayola), “may tamang panahon.”  Pwes, naa sab koy version niini. Duha ka semana na ang nilabay, nawagtang ang usa nako ka turtle. I have six turtles na nga puros regalo. Tua na nako sila sa balay gipahimutang ug maoy akong kalingawan. Unya kay ako ra mang usa baya, so ako’y mulimpyo sa dako ug bug-at nga aquarium ka usa sa duha ka adlaw. Ug mao lagi nawagtang ang usa. Sure gyud ko nga unom ka buok akong nahabwa ug gibutang sa planggana. Paghuman nako’g limpyo sa aquarium, dihang ako na silang isulod og balik, lima na lang ang nahibilin. Ang ikalima ug maoy kinagamyan, naka ambak na gikan sa planggana, so nagduda ko nga duha sila nga nakagawas. Pero bisan gi-unsa nako’g pangita wa gyud nako igkita. For three days naguol gyud ko, naluya ko sa thought nga naibanan sila og usa. Hahay! Pagligid sa mga adlaw inanay na nakong nadawat nga dili na gyud to nako igkita pa. Akong gihunahuna nga basin nasayup lang ko ug nalakip to sa tubig nga ilang ginamit nga akong gi-flush sa toilet bowl. Kay kun wala pa, nakit-an na unta to nako. Pero it took me a week before pa ko naka move on nga wala na gyud to. So I went on with my life. Lima na lang sila nga akong istoryahon every now and then ug sud-ongon magabii sa dili pa ko matulog. Pakkk!Ug sa dihang adtong Huwebes sa gabii, paghuman nako’g kaon nakasiplat ko og green nga something sa pultahan paingon sa akong lutuanan. OM geeeeeeee ang nawala nga turtle! Yes, nagpakita o nilugwa siya gikan sa diin man gani siya nisuksok nga wala nako damha. Gidali nako og punit, gihugasan, ug gisulod sa aquarium ug gihatagan og pagkaon. OM geeee the sixth turtle is back!  Wako ka sabot sa akong gibati, mura ko’g bata nga perteng lipaya human gipalit na gyud sa iyang mama ang duwaan nga dugay na niyang gihandum. Perte gyud nakong sabaa bisa’g ako rang usa. Mga 30 minutes siguro nga nagsigi ko og tan-aw niya nga naglangoylangoy unya mukalit lang ko og pahiyom. Gikilig ko!  Pakpak!Ang then I realized yes, naa gyuy tamang panahon. Ug nindot gyud tagamtamon ang panghitabo nga mutumaw sa tukmang panahon. Sama ra sab na sa atong panikaysikay sa matag adlaw. Diha sa atong pagpangita og trabaho, usahay dili ta madawat kay walay bakante, walay hiring. Usahay sab sa atong mga pangandoy sa kinabuhi mapalpak. Kanang tanan naggumikan kay, wala pa muabot ang tukmang panahon aron kita magmalampuson. Hinungdan nga kun hadlaan gani ka og mga pagsuway, ayaw pagpakawala og paglaom. Hunahunaa lang nga aduna gayuy tukmang panahon. Just like my turtle.  Bisan giunsa nako’g pangita wala gyud igkita. Ug sa dihang nilugwa lang og kalit nga wala nako damha. Mao to ang iyang tamang panahon! Pakpak!