Patawa ni Alex kinaiinisan na

PIK: Halos tatlong libong komento ang pumasok sa post ni Alden Richards nung kamakalawa lang kung saan nagpasalamat siya sa lahat na supporters ng AlDub.

Aniya; “This post is dedicated to the #AlDubnation here and around the world as a assign of gratitude and appreciation, Sana wag kayong magsawa sa pagsuporta niyo sa amin dahil kung wala ‘KAYO’ wala ang ‘AlDub’. Maraming salamat and  ‘ALDUB YOU ALL!”

Lalong dumami ang fans nila na dumagsa sa studio ng Sunday PinaSaya nitong nakaraang Linggo.

PAK: Dahil sa consistent na mataas ng rating ng Sunday PinaSaya, binabago na rin ng ASAP ang kanilang format at meron na rin silang isinisingit na games at comedy sketches.

Pinutakti rin ng mga komento at karamihan ay panlalait kay Alex Gonzaga na hindi na raw nakakatuwa ang mga patawa.

BOOM: Totoo bang natsugi agad ang bagong sitcom ng TV5 na Misterless Misis?

Nakadalawang airing lang ito, at hindi na namin ito napanood nung kamakalawa ng gabi.

Nakausap namin ang ilang involved sa production staff, hindi naman daw nila tatapusin agad ang naturang sitcom.

Ang term daw nila dun ay “reboot”. Maaring may mga baguhin sa script, o baka pati timeslot, pero itutuloy pa rin daw nila ito.

Umalma ang ilang stars ng naturang sitcom dahil wala man lang pasabi sa kanila kung ano ang desisyon ng TV5 sa kanilang sitcom.