Felix Manalo malamang maging highest earning movie

Halos tatlong oras pala ang running time ng Felix Manalo. Bawing-bawi ang ibabayad natin sa sinehan. Lalo pa’t sinasabi ng mga nakapanood ng trailer nito na maganda ang movie, at ang daming artista!

Biruin mo kahit lahat lang ng miyembro ng Iglesia Ni Cristo (INC) ang manood nito, aba, eh sisirain na nila ang record sa takilya. Idagdag mo pa ang hindi taga-INC na manonood, aba eh baka maging highest earning movie ito of all time. Mababawi agad ang gastos ng movie.

Kapamilya bongga ang pa-birthday kay FPJ

Ang ganda rin daw ng pa-birthday ng ABS-CBN kay Fernando Poe, Jr. (FPJ), ang paggawa ng teleserye ng isa sa mga movie nito na Ang Probinsyano. In full force raw na dumating ang pamilya ni Da King sa tribute screening ng pelikula na ginawa sa TriNoma mall in Q.C. Andun si Susan Roces, ang anak nila na si Sen. Grace Poe kasama ang kabiyak nito, at mga anak. Ang ganda raw ng serye na nagtatampok kina Coco Martin, Bela Padilla, at Susan Roces. 

Hindi pa lumabas ang character ni Maja Salvador sa first week, pero sa susunod na linggo raw ay andun na siya, Pramis!

Happy birthday, Ronnie.

Mayor Herbert hindi nawawalan ng pag-asa na magsama sila ni Kris sa pelikula

Kahit pala may problema at baka hindi matuloy ang pagtatambal nina Mayor Herbert Bautista at Kris Aquino para sa Metro Manila Film Festival (MMFF) movie na Mr. & Mrs. Split, patuloy pa rin ang pagbabawas ng timbang ni Bistek para anumang oras silang magsimula ng shooting ay handa na siya. Yes, hindi naman nawawala ang pag-asa ng ama ng QC na mapanood ang trabaho nilang magkasama ni Kris.

Marian gagawin ang lahat para sa Kapuso

Talaga itong sa Marian Rivera, gagawin ang lahat para sa mga programa ng GMA. Sa final episode ng Pari ‘Koy ng asawa niyang si Dingdong Dantes ay nakapag-guest pa siya. Biruin mo, considering na nagpapahinga, lumarga pa rin siya ng trabaho. Iba talaga si misis, Dong!