Medrep nireklamo batok sa Ex With Benefits

CEBU, Philippines - Giawhag ni Derek Ramsay ang mga medical representative nga motan-aw una sa pelikula nila ni Coleen Garcia nga Ex With Benefits sa dili pa kini muhukom basi lamang sa trailer.

Nasayran nga nakontrobersyal karon ang nahisgutang pelikula gumikan sa trailer niini nga nilugwa niadtong nilabay nga adlaw.

Sa trailer, makita ang karakter ni Coleen kinsa midala isip ambisyosa nga medical representative nga nanginahanglan og endorsement gikan sa doktor nga gidala ni Derek.

Buot sa karakter ni Coleen nga mamahimong numero uno nga medrep, busa giingnan siya sa iyang boss nga aron mahitabo kining mao niyang pangandoy kinahanglan nga makuha niya ang endorsement sa numero uno nga doktor sa nasud nga gidala ni Derek.

Hinungdan nga nakig-meeting si Coleen sa doktor kinsa mipadayag nga adunay mga kondisyon una niya i-endorse ang tambal nga baligya sa dalaga. Ug nitubag si Coleen nga andam siyang buhaton ang tanan.

May usa ka eksena sa trailer diin gipakita nga nag-ilis si Coleen samtang naghigda sa kama si Derek. Kining maong eksena ang nakapa alarma sa mga medrep kay dili matud pa maayo ang imahe nga gipakita niini ngadto sa publiko kabahin sa ilang trabaho.

Ang tinuod gyud diay, uyab sila si Derek ug Coleen sa maong pelikula ug nagkabuwag 10 na ka tuig ang nilabay, diin daw wala pa ka move on ang lalaki.

“To all medreps out there i just want to say that I have complete respect for the work you do. Alam ko mahirap Ang trabaho nyo at mahirap makuha ang tiwala ng mga doctor. Sana mapanood nyo muna Ang pelikula before assuming na negative ang image na pinapakita namin sa mga medrep. When an action movie has a corrupt politician or policeman we don’t assume all politicians and policemen are corrupt. I hope this message will clarify the issues,” tipik sa  Instagram post ni Derek. .

Nasayran nga adunay usa ka medical representative nga ginganlan og Nikki Quisumbing ang nimugna og open letter para sa Movie and Television Review Classification Board (MTRCB)  ug niawhag sa maong ahensya nga ipa-review ang Ex With Benefits.

“Pinapangit po nila ang image ng mga Professional Medical Representative at ang professional relationship namin sa doctors. Pangalawa po, wala po sa duty namin ang humiga sa kama para humingi ng benta. Kami po ay nag-undergo ng 2months intensive training para pumasa sa pagiging Medrep sa Pilipinas. Ngayon po kahit ako ay wala na sa Pilipinas, nababalitaan ko po na may PRC exams na mga Medrep para pumasa,” tipik sa gi-post ni  Quisumbing sa social media.

Samtang mitingog na usab ang direktor sa Ex With Benefits nga si Gino Santos ug nipadayag kini ga dili dayon hukman ang maong pelikula ug gitataw niya nga dako siya og respeto ngadto sa mga medical representative .

“I hope they watch the film before judging it. I respect all professionals and the hard work they all put into their professions. We’re not painting a bad picture of medreps. We’re just telling a story from the point of view of someone who may have done something regrettable, and now wants to change that. The story really is more about exes than it is about medreps sleeping with doctors. And if they watch the film, they’ll see that,” saysay pa sa direktor.  (Sanden J. Anadia)