The Love Affair

CEBU, Philippines – Wala damha nila ni Richard Gomez ug Dawn Zulueta ang subling pagsidlak sa ilang team-up  sukad sila nagpares sa hit series sa ABS-CBN nga Walang Hanggan niadtong 2012.

Apan niiing higayona, subling matan-awan ang duha sa pelikulang The Love Affair kung diin makauban nila si Bea Alonzo.

Niadto lamang Biyernes, gikagubtan ang mall show nila ni Richard, Dawn ug Bea diha sa SM City Cebu.

Sa presscon nga gipasiugdahan sa JSP Ads and Promo ni Josie Pereyra, giangkon ni Bea nga dili basta-basta ang pelikulang The Love Affair gumikan kay gawas nga kauban niya ang mga banggiitang artista, nagbaha usab ang emotional scenes niini.

“Grabe talaga ang binuhos na emosyon sa pelikulang ito. Sa The Love Affair, walang kontrabida, seguro merong konting conflict pero nangunguna talaga ang lessons na makukuha mo, “nagkanayon si Bea.

Nasayran nga mao kini ang directorial debut ni Nuel Naval sa  Star Cinema ug sinuwat kini ni  Vanessa R. Valdez.

Ang The Love Affair naghisgot sa tulo ka mga tawo nga nag-abot ang mga dalan  gumikan sa panghitabo sa ilang relasyon. Usa na niini mao si Patricia (Dawn) nga duna’y nabuhat nga sayop sa iyang hinigugma ug naghinulsol kini sa iyang mga sala.

Samtang si Vince (Richard), nagtinguha alang sa tulin nga dagan sa iyang kinabuhi  ug naningkamot nga mahimong usa ka maayong bana ngadto sa iyang partner.

Nagdugo usab ang kasing-kasing human nabuwagan og uyab maoy karakter ni Aldie (Bea) ug naka-kaplag kini og tawo nga makahatag kaniya og tinud—anay nga kalipay.

Giangkon ni Richard nga komportable ra siya sa pakig-uban kang Dawn bisan pa man nga duna sila’y kagahapon niini.

“Propesyonal naman tayo sa ating mga trabaho. Ang ganda ng pelikulang ito, sa oras na pinanood ninyo ang Tle Love Affair, marami ka talagang matutunan,” nagkanayon si Richard.

Susama sila si Richard ug Dawn nga mga politiko ang partner sa kinabuhi busa apan  kutob sa pagkumustahay sa trabaho lamang sila sa tagsa-tagsa nila ka mga partner.

“Hindi talaga namin masyadong pinag-uusapan  ang politika sa set. Seguro , mangungumusta lang kung sa trabaho nila, ganun lang,” dugang pa sa aktor.

Asawa ni Richard si Rep. Lucy Torres-Gomez ug duna na sila’y teenager daughter nga si Juliana, samtang si Dawn maoy kapikas ni  Rep. Anton Lag­da­meo ug duna napud sila’y duha ka anak nga sila si Jacobo ug Ayisha.

Bisan pa man nga uyab sila kaniadto, dili gyud magselos ang tagsa-tagsa nila ka  partners gumikan kay nakasabot kini sa ilang trabaho.

Gipatigbabaw sa duha ang gitawag nga open communication sa tagsa-tagsa nila ka mga kapikas sa kinabuhi.

“Kung sasabihin natin ang open communication, kinakailangan talaga na mag-usap kayo sa mga asawa mo o sa kids mo. Wala kang tinatago sa kanila, at kung meron mang problema na lilitaw,  dapat save your marriage ,”  saysay pa ni Richard.

Sa habig usab ni Dawn, wala’y limitasyon ang pagpangga niya sa  minahal niya sa iyang kinabuhi.

“Normal lang na i-discuss sa pamilya mo ang mga importanteng bagay. Kung mag-uusap kasi kayo, diyan nila makikita ang pagmamahal.  Busy tayo sa ating ginagawa o sa trabaho, pero dapat hindi kalilimutan ang pakigpag-usap sa pamilya, para mas lalong tumatag ang pagsasama ninyo,” paambit pa ni Dawn.

Sa usa ka TV interview nahisgutan nila ang estilo sa pag-move on ug gipadayag ni  Dawn nga duna gyu’y mga butang nga matuldokan apan nagdepende ang istado niini kung unsaon kni paghupot.

“Kung mahal mo talaga ang taong yan, kinakailangan na i-fight mo. Kung merong pangyayari na hindi talaga mapipigilan kahit ano pa ang ginagawa mo, seguro diyan natin masasabi na move on at let go”, dugang pa sa aktres.

Busa, gipangutana si Bea kung  kanus-a siya makaingon nga husto na o angayan na hunungon ang usa ka relasyon.

Gitataw sa aktres nga mo-surrender ra siya sa usa ka relasyon kung adunay pagluib nga mutumaw.

“Masasabi natin na enough na if I can’t handle the trial.  Sana hindi mangyari sa akin yun“, nagkanayon si Bea.

Ang pelikulang The Love Affair isalida na sugod karong adlawa sa gatosan ka sinehan nationwide.