Jake todo ang PDA sa dyowang foreigner

SEEN: Maligalig si Barbie Forteza at masakit sa tenga ang matinis na boses niya sa pilot telecast kahapon ng Sunday PinaSaya ng GMA 7.

SCENE: Dumagundong ang malakas na sigawan at palakpakan sa grand event kahapon ng Oishi sa Trinoma Activity Center nang ipakilala ang loveteam nina Daniel Padilla at Kathryn Bernardo.

SEEN: Ang public display of affection ni Jake Cuenca at ng kanyang foreigner girlfriend sa Primadonna Shoes event noong Sabado. Si Kathryn Bernardo ang celebrity ambassadress ng Primadonna.

SCENE: Excited na si Sef Cadayona sa pilot telecast ng Juan Tamad sa August 23. Leading lady ni Sef si Max Collins sa Juan Tamad.

SEEN: Ngayong gabi ang television premiere ng On The Wings of Love ng ABS-CBN at Beautiful Strangers at My Faithful Husband naman ng GMA 7.

SCENE: Binuksan noong Sabado ang branch ng Paper Moon sa Trinoma. Special guest si James Reid sa bagong restaurant business ni Viva Films producer Vic del Rosario.

SEEN: Ipalalabas sa Miyerkules sa Happy Wife, Happy Life ng TV5 ang exclusive interview kay Jackie Forster at sa kanyang anak na si Caleigh. Pumayag si Jackie na magpa-interbyu dahil kaibigan niya ang Happy Wife, Happy Life co-host na si LJ Moreno.