Hugyawnatic

Dear Banat News Hugyaw,

Permi gyud ko ma-excite basta Lunes , kay makabasa napud ko og Love Story dinhi sa Banat News. Busa , ako napud karon ang mopadala og story.

Ako si Jenny , 30 anyos ug taga Sibonga Cebu . Nagtrabaho ko karon sa usa ka hotel  sa Cebu City.

Naa diay ko’y uyab karon, siya si Rey John, 32 anyos ug taga Cebu City ra siya. Nagtrabaho akong uyab isip call center agent.

Sa wala pa mi nagkauyab ni Rey John, grabe gyud ang among mga kaagi apan wala gyud mi nagpadala busa wala gyud mi nagkabulag. Nagkaila ming duha kay schoolmate mi sauna sa usa ka university , pareho ming duha nga nga nakagradwar sa maong  eskwelahan ug sekreto na lang kung unsa ang among course.

Sa among college days,  wala gyud ko’y plano nga mosulod og relasyon kay dili ko ganahan maapektohan ang akong pagtungha.

Pero makaingon gyud ko nga dili ta magsalita ng tapos, kay naigo gyud ko sa pana ni kupido.  Nagka-classmate mi ni Rey John og usa ka minor subject. Nagkatupad   mi, ug siyempre siya gyud akong katabi kung wala pa naabot ang maestro.

Nagkasuod ming duha, ug malingaw gyud  ko kay komedyante siya ug cute pa gyud kaayo. Naabot ang panahon nga makigdungan naman siya og lunch nako . Nisugot rapud ko kay close na baya mi busa wala gyu’y malisya.

Sa kadaghan mga sungog, murag na-develop naman ko niya , tinuod jud diay ang giingon sa uban nga maka-develop daw nang sungog-sungog.

Sa among pagtuo niadtong higayona, naa mi sa mutual understanding nga level ug happy kaayo kung magkuyog mi.

Wala makaagwanta si Rey John ug nanguyab na gyud siya nako kay ganahan na siya nga duna na’y label ang among status.

Siyempre ako siya’ng gisugot uy kay mao na gyud na ang akong gipaabot nga magkauyab mi. Sa dihang nahibaw-an sa akong mama nga duna ko’y uyab,  gikasab-an ko niya ug gusto niya nga buwagan nako si Rey John kay basin mao ra ni ang hinungdan nga dili matarong ang akong pag-eskwela.

Akong gibarogan ang relasyon namo ni Rey John, busa wala na’y nahimo ang akong inahan ug gidawat na lang gyud niya ang kamatuoran.

Nahuman gyud mi sa kolehiyo, apan dunay kalit nga kalbaryo nga nasugatan ang among relasyon, kalit nga niapil sa eksena ang ex-girlfriend ni Rey John, ug gusto gyud kini nga makigbalik kaniya.

Kabalo ang girl nga uyab mi ni Rey John apan  nangita gyud siya og gubot kay bawion gyud kuno niya ang akong uyab. Maayo na lang gani kay wala nagpadala si Rey John ug kalit siya nga niangkon nga duna sila’y anak sa maong girl apan iyang giklaro nga dugay na sila nga nagbuwag apan wala siya magkulang sa pagsustento sa ilang anak.

Medyo nakalitan ko sa iyang rebelasyon apan kinahanglan kini nako nga dawaton kay love nako si Rey John. Lain napud nga tawo ang gusto moguba sa among relasyon, mao ang akong silingan nga naibog nako, nagsige siya og bahad kang Rey John nga iyang birahan apan nahilom ra ang maong lalaki kay ako naman siya nga gipa-blotter.

Aduna’y mga panahon nga mag-away mi kay sige na lang siya og inom apan  nianam na siya og biya sa maong bisyo gumikan sa akong  tambag kay dili man siya ganahan nga magsige mi og lalis. Malipayon kaayo mi sa among relasyon ug plano namo nga magpakasal karong 2017. Mo-request diay ko sa lyrics sa Terrified by Katharine Mcphee.

Hi Jenny ! Thank you so much sa imong LOVE STORY! Paabuta ugma puhon ang imong request.

Dear HUGYAWnatics, aduna ba kamo'y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story

C/o Banat News

V. Gullas St. corner D. Jakosalem St.

Barangay Sto. Nino

6000 Cebu City, Philippines