Jessy motigi ni Kim

CEBU, Philippines – Si Jessy Mendiola  maoy motigi  kang Kim Chiu sa kasing-kasing ni Xian Lim sa usa ka pelikula.  "I'm Chloe. I play the best friend of Kim. I'm a spoiled, rich model here and we've been friends since we were kids. She's basically spoiled and she gets what she wants, everything she wants," suma pa ni Jessy.

Grae nagkasikat

Naglawig karon ang  career sa  anak ni Mark Anthony Fernandez nga si Grae Fernandez. Sakop si  Grae sa  boy group nga Gimme 5 ug gawas sa seryeng Pangako Sa ‘Yo, nalakip usab kini  sa  pelikulang The Love Affair .

Fan ni Pacman

Tsika pa sa F4 member nga si Vaness Wu nga fan siya ni Manny Pacquiao. Suma pa ni Vaness nga saludo siya kang Pacman gumikan kay gawas nga maayo kini sa boxing, Diosnon usab kini.

Nakadawat na

Gibutyag ni Ai-Ai delas Alas nga dili makig-kompetensya ang  PinaSaya sa  ASAP bisan paman nga susama sila og timeslot. Suma pa sa aktres nga nahimo nang institusyon ang nahisgutang programa sa ABS-CBN.

Ana ug Nora magpares

Si  Ana Capri maoy modala nga  lesbian girlfriend ni Nora Aunor sa usa ka indie film . Suma pa ni Ana nga mao kini ang labing una nga higayon nga gidala niya ang maong role.

Nagpaklaro na

Nasigpatan napud sa miaging adlaw nga nag-date sila si Paolo Contis ug LJ Reyes. Taud-taud na nga gihugon-hugon nga dunay relasyon ang duha.

Best in gakos

Gigakos ni Sarah Geronimo ang iyang  boyfriend  nga si Matteo Guidicelli Human sa pagsalmot niini sa Cobra Ironman 70.3 triathlon kagahapon sa buntag. Gikilig ang mga tawo nga nagpalibot kanila.

Nag-usab

Giangkon ni Angeline Quinto nga mubo ra kaayo siya og pasenSya sa una kung makasugat siya og problema . Malipayon na hinuOn siya karon gumikan kay kahibalo na siya mo-kontrol niini.

Mercedes pasok sa Ningning

Nalakip ang award-winning independent actress  nga si Mercedes Cabral sa bag-ong afternoon series sa ABS-CBN nga Ningning. Suma pa ni Mercedes nga nakulbaan siya gamay sa dihang gidawat niya ang maong proyekto gumikan kay naanad man siya kaniadto sa mga indie film. Mapasalamaton si Mercedes sa maayong oportunidad nga gihatag sa ABS-CBN kaniya.

Anne mobalibad og serye

Gibutyag ni Anne Curtis nga dili pa siya mahimong modawat og mga serye gumikan sa iyang ka-busy  ilabi na sa iyang hosting job sa It’s Showtime”.

Katapusang nilugwa si Anne Curtis sa Dyesebel sa miaging tuig ug wala pa gyud kini masundi og laing TV series .

“Siguro kaya ayaw ko muna mag-teleserye kasi kapag nagteteleserye ako, hindi na ako nakakapag ‘Showtime’ because araw-araw may taping. Hindi naman puwede na aalis ako sa ‘Showtime.’ When I did ‘Dyesebel,’ nawala ako sa ‘Showtime,’” saysay pa ni Anne ngadto sa  entertainment site nga  Push.

Hinuon andam modawat og movie project si Anne kung madala pa sa iyang schedule  ug gidungog nga malakip sa pelikula uban nila ni Maja Salvador ug Paulo Avelino.

“Huwag na muna siguro teleserye. Baka movies na lang muna ako,” dugang pa sa aktres.

Sakop sa Masculados gipatay

Usa ka miyembro sa Masculados Dos ang gipatay sa usa ka  gituohang carjacking incident doul sa Primrose Hills Subdivision sa Angono, Rizal kagahapon sa kadlawon.

Ang  biktima giila nga si  Marcelo de Guzman Ong II o o nailhan sa iyang screen name nga  Ozu Ong.

Ang igsuon ni Ozu nga si Maan Ong nisaysay ngadto sa PEP nga padulong na unta mopaulis a ilang balay ug gikan kini sa show niini sa Timog Avenue, Quezon City. Gisakyan niini ang iyang Toyota Hilux nga nagtangag sa plaka nga  AAO 2722.

"Actually, Angono na yun, e, bahay na nila, pauwi na siya... malapit na sa kanila.Ang balita is parang huminto yung sasakyan niya, parang nakahinto.Hindi namin alam kung bumaba siya or pinababa siya, binaril siya sa dibdib.Actually, , gitna talaga yung pagkabaril, e. Wala siyang sugat, wala siyang sinapak sa mukha or whatsoever.Talagang binaril na lang, parang wala nang nangyaring usapan, Binaril na lang basta, kinuha na lang yung sasakyan niya,” suma pa sa igsuon ni Ozu.

Dali nga nitikang sa lugar nga nahitaboan ang  asawa ni Ozu, apan ang  gikasamuyo og maayo sa pamilya ni Ozu  mao ang dugay nga pagtabang sa mga tawo aron unta madala og dali sa tambalanan ang maong Masculados member.

Sa resulta sa  autopsy ,   nakit-an nga dunay bun-og sa lawas  ug samad pinusilan sa dughan ni Ozu.

Carjacking ang gituohan nga  motibo sa mga suspek gumikan kay matud pa wala ma’y kaaway si Ozu. "Wala naman kami alam na kaaway niya, 'tsaka si Ozu, hindi na siya lumalabas ngayon, e. Lumalabas lang siya 'pag may show, 'pag may trabaho.Bahay-trabaho, bahay-trabaho, yun na lang ang gawain niya ngayon.Talagang nasa bahay lang siya, sa mga anak niya, yun na lang,” dugang pa ni Maan.

Nakalugwa na si Ozu kaniadto sa pipila ka mga programa sa GMA-7 ug kini sama sa Munting Heredera, Magpakailanman, ug  Diva.

Alden pasok ni VicAi Ai movie

Tungod  sa paghangop sa viewers sa Eat Bulaga ngadto kang Alden Richards , kalit nga nahukman ni Vic Sotto nga ilakip ang aktor sa umaabot nila nga pelikula ni Ai Ai delas Alas alang sa umaabot nga Metro Manila Film Festival.

Nasayran nga nikusog  og samot  si Alden sa masa sukad kini nahimong host sa Eat Bulaga busa nahaom kini nga ipasulod sa Vic-Ai Ai  movie.

Padayon usab nga nakadawat og mga positibong feedback ang tandem nila ni  Yaya Dub sa Eat Bulaga. 

Mariel kaluha ang gisabak

Mibalik na sa Pilipinas sila si  Robin Padilla ug Mariel Rodriguez human sa taas nila nga bakasyon sa  Europe.

Malipayong gipahibalo ni Robin nga mabdos si Mariel ug kaluha matud pa ang gisabak niini.

Gikumpirmar kini sa aktor pinaagi sa Instagram kung diin gi-post niya ang hulagway sa ultrasound.

Mapasalamaton ang magtiayon gumikan kay mahatagan na gyud sila og liwat. Kahinumduman nga nakuha ang gisabak ni Mariel niadtong Marso nga niresulta sa dako niini nga depresyon.