Richard sino ang pipiliin kina Dawn at Bea?

MANILA, Philippines – Bida sina Richard Gomez at Dawn Zulueta, at Bea Alonzo sa stellar cast ng The Love Affair ng Star Cinema — ang pinakamalaki at pinakahihintay na romantic drama ng kasalukuyang season.

Sa ilalim ng direksyon ni Nuel Naval at sa panulat ni Vanessa R. Valdez, ang The Love Affair ay tungkol sa tatlong magkakaibang tao na pinag-iisa ng pag-ibig. Ang isa sa kanila ay si Patricia (Zulueta), na isang may bahay na naghahanap ng kapatawaran matapos niyang ga­win ang pinakamalaking pagkaka­mali sa kanyang buhay. Ang isa naman ay si Vince (Gomez), isang lalaki na naghahangad na maging mabu­ting asawa at provider, at gagawin na­man niya ang pinakamahalagang desisyon sa kanyang buhay. At nandiyan din si Adie (Alonzo), isang babaeng nadurog ang puso na naghahanap ng kaligayahan sa kanyang buhay matapos maki­paghiwalay sa dati niyang minamahal. Magkakabuhol-buhol ang mga buhay nina Patricia, Vince, at Adie at mapipilitan silang lahat na madiskubre ang tunay na dahilan kung bakit sila nasasaktan.

Minamarkahan ng The Love Affair di lamang ang directorial debut ni Nuel Naval sa ilalim ng Star Cinema, sapagkat ito rin ang  unang kolaborasyon nina Dawn at Richard, kasama si Bea sa pinilakang tabing.

Isa sa pinaka-celebrated at enduring tandems ang love team nina Dawn at Richards sa kasaysayan ng industriya. Kinabibilangan ng iba’t ibang demographics ang mga tagahanga nina Dawn at Richard na mula sa iba’t ibang henerasyon, mula sa kanilang mga tagahanga nuong dekada 90 hanggang sa mas bata at kontemporaryong fan base na makikita sa tagumpay ng kanilang recent projects gaya ng phenomenally top-rating na Walang Hanggan at ang box-office smash hit na She’s Dating The Gangster.

Si Bea naman, ay isang movie queen at box-office queen na itinuturing ng milyun-milyong Pilipino bilang paborito nilang babaeng bida. Makikita ito sa walang patid na ta­gumpay ng kanyang mga pelikula gaya ng One More Chance (2007), The Mistress (2012), at marami pang iba. Ang The Love Affair ay ang unang pelikula ni Bea matapos siyang magbida sa commercially successful at critically acclaimed films na Four Sisters And A Wedding at She’s the One noong 2013.

Alamin kung kaninong pag-ibig ang mananaig sa The Love Affair, na ipapalabas sa lahat ng mga sinehan sa buong bansa simula ngayong Agosto 12.