‘On Air’

So after graduation, gawas nga ni-apply ko pagka front desk staff ug pagka sales representative diin wala ko nadawat, ni-apply sab ko pagka program host ug newscaster/DJ.  Perte intawon nakong pangandam ato uy, rehearsal kun rehearsal, sige’g basa og newspaper samtang nag-atubang sa samin, voice projection and modulation to the highest level.  Newscasting in English ha, kay para man to sa usa ka FM station. Pakkk!

Pag-abot nako sa ilang station (tungason paman to sauna, hahaha), perteng daghanang ni-apply uy! Diha patoy mga taga Mindanao nga mga KBP passers.  Pag-abot sa akong time aron mao nay hinabion, wala manko gipabasa og balita, chika-chika raman to balig less than five minutes and then mana dayon, giingnan ko nga tawagan ra daw ko.  Nya kay virgin paman lagi ko ato sa natad sa job hunting, may I expect sab tawon ko nga tawagan gyud. Kaluoy sa Ginoo, hangtud karon wala pa gyud ko tawagi. Hahahaha

 Sunod kay ni-apply sab ko pagka program co-host nga ang sponsor kay food supplement. Dili nato tungason, diri rato’s kinapusuran sa dakbayan dapit. Ang requirement kay kinahanglan mu-submit og voice clips, so may I record sab gyud akong beauty. Pag-abot nako sa interview venue, daghan sab kaayong ni-apply, nagkita pami sa uban nakong classmates. Dihang ako nang turno aron hinabion, giingnan ko sa lalaki nga nag-interview  nga i-introduce ang product. Nakuyawan ko ato, maong nagpatabang ko unsaon. Pero niingon siya nga ako na matud pay bahala aron makita unsay akong abilidad.  Dihang niingon ko wakoy mahunahunaan, ingon siya, goodbye, wala nimo among gipangita. Ouch! Pakkk!

Admittedly naglagot ko ato nila sa sinugdanan kay kahibawo man gyud ko unsay mahimo ug dili nako mahimo when it comes to my job, basta hatagan lang gyud ko og chance. I know my potentials ug unsay akong ika-offer sa trabaho. Katong pagka program host mao gyud toy nakahagit nako, to the point nga I told myself then: kinahanglan gyud ko makatrabaho og radyo in the future para maka realize siya nga nasayup siya nga wala ko niya dawata. Hahahaha bitter lang at first! Pakkk

But look, mag-usa ka dekada nako sunod tuig, isip okRYAN sa kahanginan.  Kun imo ko nga paminawon, tanan nakong gimbuhaton on air kay combination sa pagka DJ, newscaster ug komentarista. Ug dili sa paghinambog, kun dili pako maayo nga program host, dili sab tingali ko mulungtad hangtud karon. So then I realize, nahitabo ang tanan, gumikan kay giandam ko sa Ginoo alang sa mas hugyaw nga kahigayonan sa pagpangalagad pinaagi sa kahanginan. Kinahanglan ko nga dili madawat twice because I was destined to be a DJ/newscaster and radio host in one. And what more, wala ko ni-apply nine years ago, kundili dyLA 909khz offered me a chance to host a showbiz oriented program. Then four years after, dyRC 648khz invited me in. Before dyLA, I was reporter for Bantay Radyo for a year. Mao gyud toy first job nako ug first experience sa natad sa pang radyo. Pakpak!

 God is really good! So tanang graduates, normal ra gyud  na nga dili mo madawat at first. Sige lang, go go go lang. Ayaw pagpakawala sa paglaum kay muabot ra gyud na ang trabaho nga giandam sa Ginoo alang nimo, diin you will be able to show what you’ve got and be the best you can be! Pakpak!

Pangitaa ko sa Facebook kun ganahan mo makigfriend nako: [email protected]