Dingdong itinuloy ang pagbabasbas kahit brownout
MANILA, Philippines – Personal na pinuntahan ni father Kokoy (Dingdong Dantes) ang nanay ni Pinggoy at dito niya malalaman na na pinabayaan ang bata ng kanyang tunay na mga magulang at kinupkop lamang siya ng nakagisnang ina kaya hindi pa ito nabibinyagan. Magkakaroon ng emergency meeting ang mga council ng simbahan kasama si father Kokoy. Tutukuyin dito ang issues ni Madam tungkol sa patakaran na pagbibinyag sa mga batang may magulang na imoral pero ipapaliwanag ni father Kokoy na patakaran ng Diyos ang masusunod at ito ay ang pagmamahal ng Diyos. Habang dinaraos ang pagbibinyag ni Father Kokoy sa simbahan ay mawawalan ng kuryente pero hindi ito makapipigil sa kanya upang basbasan ang mga bata. Masayang-masaya naman si Pinggoy na mapabilang dito.
Matutuwa si Pinggoy nang magdatingan ang mga kaibigan niya para i-celebrate ang binyag niya hindi rin nagpahuli si father Kokoy na ngayon ay ninong parikoy na niya.
Samantala, babantayan daw ni madam Martha ang bawat kilos ni father Kokoy upang malaman ang mga kahinaan nito. Maganda ang sermon sa misa ni father Kokoy tinalakay niya na ang pagpapalang ibinibigay ay nasasamantala ng ibang mayayaman, at ang iba ay nagagamit na lakas para manakot ng iba. Matalim ang tingin ni madam Martha at kapitan habang nakikinig sa sermon. Samantalang si Noemi naman ay masasaktan ni Simon ng sapilitang kunin nito ang perang pambayad nila sa mga bayarin para ipang sugal.
Ano pa ang haharaping pagsubok ni Father Kokoy?
- Latest
