Melissa nanghimakak, dili matud pa hubog!

CEBU, Philippines - Gihimakak ni Melissa Mendez nga nakainom siya ug nag-wild sulod sa eroplano nga ilang gisakyan paingon sa Pagadian niadtong Biyernes sa buntag.

Sa ekslusibo nga pakighinabi sa www.pep.ph kang Mendez niadtong Biyernes, iyang giangkon nga nasagpaan niya ang lalaki nga kauban ni Andrew Wolff nga ginganlan og Rey Pamaran.  Nahitabo matud pa kini dihang naka take-off na sila ug giduol niya ang lalaki aron unta makighusay, apan giingnan matud pa siya nga kinahanglan mag-toothbrush usa, kay baho kini’g baba.

Gihimakak usab niya nga may mga flight attendants siya nga napasakitan. Bisa’g pangutan-on matud pa ang tanang pasahero, wala gyud matud pa kini nahitabo ug wala matud pa kini niya buhata sanglit wala man sila nakasala niya.

Gihimakak usab niya nga hubog siya, ug nagtuo siya nga ang napanimahuan ni Andrew nga daw beer, mao ang iyang giinom nga juice nga hinimo pinaagi sa pagsagol og kapayas, mansanas ug pinya.

Nahibulong matud pa si Melissa nganong siya ray gipakanaug nga sila mang duha ni Pamaran ang nagsumpaki sulod sa eroplano. Dili sab matud pa tinuod nga 20 ka tawo ang nagtabang aron pakanaogon siya sa eroplano, duha ra matud pa ka buok.

Saysay niya, nihangyo siya kang Pamaran nga adto lang una siya mulingkod sa lingkuranan niini kay buot niyang mukuha og mga hulagway sa panganod sa ilang pag-take off. Nagtarong matud pa siya paghangyo apan giingnan matud pa siya sa lalaki nga hampakon siya sa dala niining bag kun dili siya mupahawa.

Dinhi na nagsugod ang ilang panaglalis.

Nakulbaan

Nalipay nga nakulbaan matud pa si Angel Locsin sa pelikula nila ni Governor Vilma Santos. Nakulbaan siya gumikan kay medyo kiwawan siya sanglit si Santos maoy inahan sa iyang uyab nga si Luis Manzano. Nalipay siya gumikan kay kauban usab niya ang nahisgutan.

Naguol

Naguol matud pa si Max Collins nga wala makadaog si Wynwyn Marquez sa Bb. Pilipinas sanglit maayo matud pa ang tubag niini ug maanyag sab ang mao niyang higala.

Mada ra’g smile

Pahiyum lamang ang tubag ni JM de Guzman sa pangutana kabahin nila ni Jessy Mendiola. Niadtong nilabay nga adlaw, giangkon ni Jessy nga nangulitawo niya pag-usab ang iyang ex-boyfriend nga si JM ug aduna matud pa kini tsansa nga sugton niya.

Musamot ka gwapo

Suma pa ni Ryan Bang, musamot matud pa ka gwapo ang mga matinee idols nga makatupad niya. Kini human sidekick na sab sa bida ang iyang role sa Wansapanataym project ni Coco Martin ug Julia Montes. Una siyang nag-sidekick  sab kang Piolo Pascual sa teleserye nga “Hawak Kamay”.