1D nakitsika kay Jessica

MANILA, Philippines – May ilang pinagdaanan ang One Direction bago ang kanilang concert sa bansa na nag-umpisa kagabi, kabilang na ang pagbabayad nila sa Bureau of Immigration ng “marijuana bond” bunga ng kontrobersyang kinasangkutan nila noong nakaraang taon. At dalawang araw bago magconcert, maraming fans ang nagulat matapos sabihing hindi na makakasama sa Manila si Zayn Malik dahil bumalik na ito sa UK para maka-recover sa stress. Tunghayan ngayong Linggo kung full force pa rin nga ba ang Pinoy Directioners sa kanilang mga idolo sa kabila ng mga kontrobersiya sa Kapuso Mo, Jessica Soho sa GMA7.

Tampok din sa KMJS ngayong Linggo ang pinakamasasarap na halu-halo in town, ang naiibang summer adventure na cliff diving at sand bar hopping, at mga kakaibang hayop na talaga namang amazing tulad ng higanteng jellyfish sa Manila Bay, bakang lima ang paa, at baboy na may dalawang ulo!