Showtime at Eat Bulaga magpapatalbugan sa drama sa Semana Santa!
SEEN: Mabibigyan ni Kris Aquino ng hustisya ang other woman role na gagampanan niya sa movie adaptation ng popular book ni Julie Yap Daza, ang Etiquette for Mistresses and What Wives Can Learn from Them.
SCENE: Tapatan ng husay sa drama ang mga host ng Eat Bulaga at It’s Showtime sa kanilang respective Holy Week Special.
SEEN: Hindi kumpleto ang State of the Nation ng GMA News TV kapag hindi si Jessica Soho ang anchor. Hindi mapantayan at mahigitan si Jessica ng kanyang mga substitute.
SCENE: Negang-nega ang image ng starlet na si Sunshine Garcia dahil sa bintang na pang-aahas niya kay Alex Castro, ang boyfriend ng kanyang Banana Nite co-star na si Jef Gaitan.
SEEN: “The who” ang reaksyon ng karamihan sa love triangle at cheating scandal na kinasasangkutan nina Jef Gaitan, Alex Castro, at Sunshine Garcia.
SCENE: Good friends pa rin sina Gwen Zamora at Ellen Adarna, ang ipinalit kay Gwen ng ex-boyfriend nito na si Raymund Romualdez. Hindi nawawala sa showbiz ang rigodon de amor.
SEEN: Ang 41st birthday celebration ni Paolo Bediones noong Huwebes sa Punta Manila, ang Latin American bar and restaurant na pag-aari nila ng kanyang mga business partner. Noong March 17 ang actual birthday ni Paolo.
SCENE: Nagmistulang mahusay na aktor si Carl Guevara sa Wattpad Presents Heartbreaker ng TV5 dahil salat sa acting talent ang kanyang mga co-star na sina Donnalyn Bartolome at Joey Loyzaga, ang other son ni Teresa Loyzaga.
- Latest
