Nikki ipagdadamot ang kasal

Magpapakasal na sina Nikki Gil at ang businessman na si BJ Albert bago magtapos ang taon. Abala na raw ang aktres ngayon sa paghahanda para sa kanilang nalalapit na pag-iisang dibdib ng binata. “It’s quite enjoyable actually. I’m grateful for my friends who have gone through the wedding ahead of me, so ang dami kong napagtatanungan. Like there’s Cesca Litton, there’s Iya Villania. So ang dami kong nahihingan ng advice for the wedding preparations and it’s been unusually easy and enjoyable for me,” pagbabahagi ni Nikki.

Hanggang maaari ay ayaw daw ng aktres na maipalabas sa telebisyon ang mismong araw ng kanilang kasal. “Definitely I will share the special moments sa Instagram namin pero siguro after na, not while it’s happening. I mean I owe where I am to showbiz community as well, I will share. It’s just ako ang pipili para maganda ako sa lahat ng kuha,” natatawang pahayag ng dalaga.  

Masayang-masaya raw ang magkasintahan sa kanilang relasyon lalo na pagkatapos ng kanilang engagement noong December. “I can’t really point finger to it. It’s just like a feeling of kumbaga if there’s a tunnel, there’s light at the end of the tunnel. You know na mayroong goal, may patutunguhan. You are both working towards the wedding and eventually a happy marriage. So, iba lang ‘yung pakiramdam na okay, mayroong papupuntahan ito,” paliwanag ni Nikki.

Jay-R ikinatuwa ang pagsunod sa kanya ni Kyla

Nahirapan daw ang R&B King na si Jay-R na lisanin ang dati nitong TV network. Isang dekada na rin ang dumaan bago pa nakalipat ang singer sa ABS-CBN.

“It’s very difficult. I’ve been in the other network for more than a decade na so it was a hard decision to make. But at the end of the day for both parties, it’s all business naman eh. I mean we have relationships and we’re all good naman,” bungad ni Jay-R.

“What’s good is hindi ako umalis na may bad blood. Maayos naman ‘yung pagpapaalam ko. So there’s not really much to feel bad about. My friends, they are all happy for me,” dagdag pa ng singer.

Masaya rin daw si Jay-R sa ginawang paglipat ng kasamahan noon sa show na si Kyla sa Kapamilya network. “I’m very happy na si Kyla nandito. We have such a good chemistry together. We are good friends kaya nakakagaan ng loob ‘pag nando’n siya,” pagtatapat ng binata.

Samantala, matagal-tagal na ring karelasyon ni Jay-R  si Mica Javier pero hindi pa raw nila napag-uusapan ang kasal. “I don’t know, maybe later on. Ngayon we’re just focused on careers right now, on business kaya we don’t want to add extra pressure in our lives ngayon. I don’t know, two to five years from now maybe,” pagbabahagi ng singer. Reports from JAMES C. CANTOS