Respeto ang importante

CEBU, Philippines – Gipadayag ni Beauty Gonzalez nga gihatagan niya og dakong bili ang relasyon niya sa iyang non-showbiz boyfriend bisan pa man sa kataas sa ilang age gap. Ang labing importante kang Beauty nga duna sila’y respeto sa usa’g-usa.

Nagmahay

Giangkon ni Sharon Cuneta nga duna siya’y gamay nga pagmahay sa dihang nibiya siya kaniadto sa ABS-CBN. Dako gyud ang pasalamat ni Sharon sa maong network gumikan kay gidawat siya og balik niini.

Kristoffer mihimakak

Hugtanong gihimakak ni Kristoffer Martin ang report nga nag-link sa iyang pangalan ngadto kang  Bea Binene. “Nakakatawa naman,’ suma pa ni Kristoffer.

Arron dunay tsansa?

Gipadayag ni Arron Villaflor nga wa pa sa iyang huna-huna nga panguyaban og balik si Jasmine Curtis-Smith. Suma pa sa aktor nga ngil-ad kaayo paminawon kung iyaha kining buhaton ilabi na nga bag-ohay lang nga nagbuwag sila si Sam ug Jasmine. Kahinumduman nga nanguyab kaniadto si Arron kang Jasmine apan wala kini sugta sa aktres.

Nag-usab og pangalan

Giusab na sa Kapuso star nga si Rita de Guzman ang iyang screen name ug gihimo niya kini og Rita Daniela . Banhawon og balik ni Rita ang iyang singing career.

Magpahayahay sa Palawan

Saulogon na karong tuiga nila ni Rocco Nacino ug Lovi Poe  ang unang anibersaryo sa ilang relasyon. Plano ni Rocco nga dalhon si Lovi sa usa ka pribadong isla sa Palawan. “Four days lang. Very private yung pupuntahan naming island,” suma pa ni Rocco.

Tak-om

Nagpakahilom lang si Mariel Rodriguez sa taho nga nakuhaan siya. Kahinumduman nga nag-emote si Mariel sa Instagram sa miaging adlaw gumikan kay duna’y dautang nahitabo kaniya.

Karon ra niangkon

Nagdumili pagdetalye si Paulo Avelino sa rason sa breakup nila ni KC Concepcion. Ulahi ra nga giangkon ni Paulo nga nagkauyab sila niadto ni KC. 

PIA Maoy Miss Universe Philippines

Ang aktres nga si  Pia Wurtzbach maoy napili nga  Miss Universe-Philippines sa bag-ohay lang nga grand coronation night sa Binibining Pilipinas 2015 niadtong Domingo sa gabii sa Smart Araneta Coliseum.

Ang kanhi Star Magic talent nga si Pia mao usab ang nilangkat sa special award nga Miss Creamsilk.

Nasayran nga ikatulo na kini nga higayon nga nisalmot si Pia sa Binibing Pilipinas. Una siya nga nisalmot niadtong  2013 kung diin napili siya nga  1st runner-up , ug nisalmot siya og balik niadtong  2014 apan wala kini nasulod sa Top 5.

Wala usab nagpaulahi ang garbo sa Sugbo nga si Rogelie Catacutan kinsa maoy napili nga Bb. Pilipinas-Supranational

Samtang  napili nga   Bb. Pilipinas-International  mao ang garbo sa Palawan nga si Janicel Lubina.

Naangkon usab sa pambato sa Camarines Sur nga si Christi Lynn McGarry ang titulong Bb. Pilipinas-Intercontinental

Napili nga Bb. Pilipinas-Tourism ang kandidata sa Pampanga nga si Ann Lorraine Colis.

Samtang first runner up usab si Hannah Ruth Sison ug second runner si Kimverlyn Suiza.

Igo lang nga nasulod sa Top 15 ang crowd favorite nga si Teresita Ssen Marquez o nailhan sa kadaghanan isip Winwyn Marquez apan naangkon niya ang special awards nga Best in National Costume, Miss Talent, ug She’s So Jag.

Sila si Toni Gonzaga ug Xian Lim maoy hosts sa maong indigay. Samtang ang mga hurado naglangkob nila ni  Department of Justice Secretary Leila De Lima, Vice Ganda, Camarines Sur Third District Representative Leni Robredo, Ateneo Blue Eagles varsity player Kiefer Ravena, ug ang modelo nga si  Sarah Meier.

Major awards :

• Miss Universe Philippines:

  Bb 10, Pia Alonzo Wurtzbach

• Bb Pilipinas International:

  Bb 11, Janicel Lubina

• Bb Pilipinas Supranational:

  Bb 25, Rogelie Catacutan

• Bb Pilipinas Intercontinental:

  Bb 19, Christi Lynn McGarry

• Bb Pilipinas Tourism:  Bb 24, Ann Lorraine Colis

• 1st runner-up: Bb 28, Hannah Ruth Lulu Sison

• 2nd runner-up: Bb 8, Kimverlyn Suiza

Special awards:

• Bb Friendship: Bb 6, Toni Alyessa Hipolito

• Bb Talent: Bb 34, Teresita Ssen Marquez

• Miss Photogenic: Bb 5, Cannielle Faith Santos

• Best in national costume: Bb 34, Teresita Ssen Marquez

• Best in swimsuit: Bb 11, Janicel Lubina

• Best in long gown: Bb 11, Janicel Lubina

• Bb Phil Airlines: Bb 12, Kylie Verzosa

• Manila Bulletin choice award: Bb 5, Cannielle Faith Santos

• She’s so JAG 2015: Bb 34, Teresita Ssen Marquez

• Miss Cream Silk: Bb 10, Pia Alonzo Wurtzbach

Top 15:

• #8 - Kimverlyn Suiza

• #9 - Maolin Yalung

• #10 - Pia Alonzo Wurtzbach

• #11 - Janicel Lubina

• #12 - Kylie Verzosa

• #14 - Princess Joy Camu

• #17 - Brenna Cassandra Gamboa

• #19 - Christi Lynn McGarry

• #21 - Alaiza Flor Malinao

• #22 - Anja Vanessa Peter

• #23 - Justine Beatrice Dellosa Felizarta

• #24 - Ann Lorraine Colis

• #28 - Hannah Ruth Lulu Sison

• #25 - Rogelie Catacutan

• #34 - Teresita Ssen Marquez

Balay ni ELLA nasunod

Nasunog ang panimalay ni  Ella Cruz niadtong Domingo ug ang labing naapektohan mao ang ilang garage.

Dali nga naka-post sa Instagram  si Ella sa  hulagway sa naugdaw nga parte sa iyang balay. Wala hinuon gibutang ni Ella ang address sa ilang balay.

“Thank You Papa God dahil garahe lang namin ang nasunog at wala kami sa bahay kung hindi pati mga sasakyan namin sunog at buti na lang din hindi naabutan mga aso ko. Keep safe everyone,” suma pa ni Ella.

Kung basehan ang iyang Instagram post,  posibleng short circuit ang rason sa pagkasunog sa ilang balay.

“Mainit na po ang panahon kaya sana po wag pabayaan ang mga charger (especially fake and cheap chargers) na overnight nakasaksak, electric fans or kung ano man para di mag-over heat at sumabog at mag-cause ng pagsunog,” dugang pa sa aktres..

Toni naputos sa mga pagsaway

Gisaway og maayo sa netizens ang TV host nga si Toni Gonzaga gumikan sa mga komedya  ngadto sa mga kandidata atol sa coronation night sa Binibining Pilipinas niadtong Domingo sa gabii.

Dunay higayon nga nakabantay si Toni  sa  dangling earrings sa usa ka kandidata og nilenggua kini og  “Your earrings has its own theme song - Chandelier!” .

Gikanta usab ni Toni ang pipila ka parte sa maong awit, ug nihatag usab siya og reaksyon sa usa ka tubag sa kandidata atol sa “question and answer  portion” nga naghisgot og kaminyoon.

“You don’t marry a person because he is successful. You’ll marry him because he is faithful,’ suma pa ni Toni.

Samtang  wala usab nakauyon sa mga komedya ni Toni mao ang sikat nga designer nga si Cary Santiago ug ni-tweet kini og ,  “Toni you’re being rude to the candidates whose nerves are shot already.”

Ariella mitubag

Wala nagpadala si  Miss Universe 2013 3rd runner-up Ariella “Ara” Arida sa mga tawong niatake kaniya nga matud pa nga dili sakto ang pag-pronounce niya sa ubang mga pulong sa dihang nihatag siya og mensahe atol sa coronation night sa Bb. Pilipinas 2015.

Si Ariella maoy usa sa mga nitunol og award sa mga mananaug ug kalmado ra siya nitubag sa iyang bashers og, ”Pasensya na mga madam!! Love you all!.”