Ellen, Vhong dinumog sa Ginuman Fest

MANILA, Philippines – Dinumog ang ginanap Ginuman Fest ng Ginebra San Miguel  sa Liwasang Bonifacio noong nakaraang Sabado (Marso 14) na pinangunahan ng maalindog na 2015 Ginebra Calendar Girl na si Ellen Adarna at komedyante na si Vhong Navarro. Taun-taon ginaganap ang Ginuman Fest.

Nakasama nina Ellen at Vhong  sina Jhong Hilario, Itchyworms, Rocksteddy, Save Me Hollywood, at si DJ Carlo Atendido. Nagbigay din ng karagdagang saya at papremyo ang mga host na sina Papa Jack at Gee Canlas.

Ang mga sumali sa kasiyahan ay bumili lamang ng mga produkto ng Ginebra San Miguel, Inc. (GSMI) gaya ng Ginebra San Miguel, GSM Blue, GSM Blue Flavors at Ginebra San Miguel Premium Gin.

Ang Ginuman Fest ay handog ng Ginebra San Miguel, Inc. (GSMI) bilang pasasalamat sa suporta ng milyon-milyong mga kabarangay.

Mahigit 220,000 katao ang nakilahok sa Ginuman Fest noong nakaraang taon para ipagdiwang ng ika-180 anibersaryo ng Ginebra San Miguel.

Abangan ang Ginuman Fest 2015 na dadayo sa San Jose Del Monte, Bulacan (Marso); Sta. Cruz, Laguna (Abril); Kalibo, Aklan (Abril 17); Agoo, La Union (Abril 25); Bayambang, Pangasinan (Abril); Legaspi, Albay (Abril); Santiago, Isabela (Mayo 2); Lucena, Quezon (Mayo 29); Pulilan, Bulacan (Mayo); at Gapan, Nueva Ecija (Mayo).

Para sa karagdagang kaalaman tungkol sa  Ginuman Fest, bisitahin ang official website www.ginebrasanmiguel.com o i-like ang official fanpage ng Ginebra San Miguel www.facebook.com/barangayginebra.