Maligayang kaarawan PSN!
Happy birthday sa ating mga taga-PSN (Pilipino Star NGAYON). Sayang at hindi ako nakasama sa mga unang taon ng ating dyaryo. It could have been more memorable lalo’t katatapos lang ng rebolusyon nun. Inggit nga ako kay Vero (Samio) who is instrumental in my joining PSN. Andun at kasama na siya sa unang taon ng dyaryo at maging nung time mismo ng rebolusyon. Batang-batang pa nun ang That’s Entertainment na kung minsan ay sa bubong ng entrance ng GMA nagpuprograma. Kailan lang ba ‘yun? Ngayon, nangungunang tagapaghatid ng balita na totoo ang PSN. Kaya mabuhay ang PSN, mabuhay tayong lahat!
Alex seryoso sa pagiging singer
Hindi na lamang pala ang ate niyang si Toni Gonzaga ang kinakabog ngayon ni Alex Gonzaga kundi maging si Sarah Geronimo. Paano naman kasi, tinatawag na siyang pop star. Hindi ba si Sarah ang prinsesa sa genre na ito ng musika? Maiintriga talaga siya, lalo’t may Popsters ang girlfriend ni Matteo Guidicelli na hinding-hindi papayag ibigay o maski na i-share man lang ang titulo ng idolo nila sa iba.
Pero hindi kay Sarah kundi kay Toni ikinukumpara si Alex. Nagkataon lang na pare-pareho sila ng genre sa music. At tulad nina Toni at Sarah, may album na rin si Alex. Patunay na seryoso at hindi nagbibiro lang ang Star Records sa pagpapakanta sa kanya. Talagang may boses siya at dinig na dinig mo ito sa I Am Alex G na naglalaman ng anim na orihinal na kanta na mag-i-establish sa kanya as a recording artist to reckon with. Hintayin n’yo pa ang first concert niya sa Araneta Coliseum.
Rachelle Ann binigyan ng maraming trabaho ng Disney
Hindi lamang pala ang isang awitin sa Cinderella ang kinakanta ni Rachelle Ann Go. Meron pang iba na ipagagawa sa kanya ang Disney Asia. Malayo na talaga ang naabot ng Kapuso singer at sa takbo ng karera niya, mas malayo pa ang kanyang mararating.
Ang maganda kay Rachelle Ann ay nagagawa niya ‘to and still keep her feet firmly on the ground. Binabalikan pa niya ang roots niya. Andito lamang siya to attend the premiere showing of Cinderella, pero nagawa pa niyang mag-perform kahapon sa Sunday All Stars kung saan ay namalas niya how proud ‘yung mga kasamahan niya sa kanya. Kapuri-puri ka talaga, Rachelle Ann!
- Latest
