SUMMER Rampa Na!

Init nga Hugyaw mga Sweet KaButanding! Korek Init na gyud kaayo ang panahon karun mao nga Hugyaw na nga ihumol nato ang atong lawas sadagat o di ba kaha sa pool. Mao nga sa niaging semana sa dihang among gisaulog ang birthday sa akong BFF nga si Angel Gacasan didto sa usa sa mga nindot nga pool sa Talisay City ang Villa Teresita ug maayo kaayo namo pagka timing kay ga-birthday si Tita Marilou Del Rosario o mas nailhan nga si Ate Ash mao nga ang ending best in lafang lang ang peg! Speaking of beach o pool dunay pipila ka tips nga gikan sa inyong Mother Butanding!

1. Tan-awa ang mga beach signs o pool signs and make it sure nga kahibalo ka unsay imong ipasabot niini.

2. Imong suta-on kung unsa ang panahon para dili masayang ang imong mga gipang-andam basin pag-outing ninyo dunay expected nga kusog nga uwan. Chakaaa na!

3. Mas maayo nga kahibalo ka molangoy para hugyaw imong pag emote sa dagat o pool

4. Pagpili og spot nga duol ka sa lifeguard kay aron dali ka makit-an simbako dunay mga panghitabo nga dili nimo kapugngan

5. Be aware sa mga balod kay para layo ka sa mga disgrasya

6. Ayaw pag-inom og makahubog kung maligo ka sa dagat o sa pool

7.Atimana ang imong panit kay para dili ka magka-sunburn

8. Pagpakabana sa mga nilalang sa dagat sama sa mga jelly fish para mahilayo sa mga katol katol

9. Pagtsinelas o sapatos kay ang mga balas init usab kaayo—aron dili mapaso ang imong mga tiil.

10.Siyempre pagdala og daghang tubig para dili ka ma-dehydrate

Congratulations sa mga winners sa Mr. and Ms. Olive C Campus Model Philippines 2015 nga maoy motikang sa grand finals karong May 31 didto sa Skydome sa Quezon City. Para sa male category,  gikan sa St. Thomas Aquinas School, Talisay City si Frederick Lance Catacutan,  high school junior  ug si Raymund De Vera nga gikan sa University of Cebu Maritime Education and Training Center. Para sa female category ang mga representante sa Sugbo mao sila si  Princess Jayme, Nursing student, sa Cebu Normal University ug si Norecel Ibanez nga usa ka Tourism sophomore sa Cebu Institute of Technology. Gi- BisChika pa ni Mr. Jaime Acosta ang CEO sa Psalmstre Enterprises nga dako ang suporta iyang ihatag sa mga estudyante para ilang makab-ot ang ilang mga damgo nga gusto musulod sa showbiz world. Goodluck kaninyong tanan!