“ I Am Alex G”

CEBU, Philippines — Gipasigarbo ni  Alex Gonzaga ang iyang music album nga nag-ulohan og “ I Am Alex G” gumikan kay makauyon gyud ang mga tawo nga makadungog sa mga unod niini. Ang mga kanta sa maong album naglangkob sa  ‘Di Ko Akalain, Alam Mo Na ‘Yan, Boyfriend, Break Na Tayo ug  Goodbye Kiss. Pangarap ko talaga na magkaroon ng album. Isa sa mga ginagawa ko noong bata pa, kumakanta ako kasabay ng Ate (Toni) ko,” suma pa ni Alex.

Gamaon ni Eric

Naghinam-hinam na si Eric Quizon sa pagdirek og balik sa usa ka serye sa ABS-CBN. Giingong siya ang direktor sa Pasion de Amor .

Deniece naanad sa mga saway

Giklaro ni Deniece Cornejo nga dili na siya magpaapekto sa mga tawo nga magsige og pangatake kaniya. Una na nga gipadayag ni Deniece nga intresado siya mobalik sa showbiz.

Gabbi ganahan morampa

Tsika pa sa InstaDad star nga si Gabbi Garcia nga plano niya nga mosalmot  puhon og beauty pageant. Suma pa sa aktres nga dugay na gyud siya nga nangandoy nga mahimong beauty queen. “Magpapatangkad pa po ako,” suma pa ni Gabbi.

Wala makauyon

Giangkon ni  Ruffa Gutierrez nga wala nakauyon ang iyang inahan nga si  Annabelle Rama sa paglugwa nila sa iyang boyfriend nga si  Jordan Mouyal isip cover  sa usa ka magazine. 

Dolphy Museum

Gipadayag ni  Eric Quizon  nga nagplano siya ug ang iyang mga igsuon nga ibalhin sa  Tanay, Rizal ang bukog ni   Dolphy gumikan kay sa maong lugar tukuron ang Dolphy Museum. Kasamtangang nakalubong si Dolphy sa Heritage Park .

ASAP ra kutob

Giklaro ni Carmina Villaroel nga kutob lang usa sa ASAP palugwaon niya ang kaluha niya nga anak nga sila si Maverick ug  Cassandra. Dili pa siya mosugot nga modawat kini og dugang projects gumikan kay dili siya gusto nga maapektohan ang pag-eskwela niini.

Break Up Playlist

Nag-ulohan og Break Up Playlist ang unang  movie team up nila ni  Piolo Pascual ug  Sarah Geronimo sa Star Cinema. Si Dan Villegas ang direktor sa  maong movie project  kinsa mao usab ang nagama sa pelikulang  English Only nila ni Derek Ramsay ug Jennylyn Mercado.