TV host nga hinawayon gipalagpot
CEBU, Philippines - Gumikan sa make-up transformation ni Paolo Ballesteros isip us First Lady Michelle Obama, usa ka Emmy award-winning ug sikat nga Latin fashion expert ang napalagpot sa pwesto.
Kini naggumikan kay dihang gipakita sa live episode sa show nga El Gordo y la Flaca (The Scoop and the Skinny) sa Univision network niadtong March 12, ang make-up transformations ni Paolo isip Hollywood stars, lakip sa nilugwa ang pagsundog niya sa dagway ni Obama.
Ang usa sa mga host sa show nga si Rodner Figueroa nilenggua nga mura matud pa og gikan sa cast sa pelikulang Planet Apes ang dagway ni Obama sa maong transformation.
“Well, watch out, you know that Michelle Obama looks like she’s from the cast of Planet of the Apes, the movie...”
Gidali pagtabon sa co-host ni Figueroa nga si Raul de Molina pinaagi sa pag-ingon nga hayan ang pasabot sa nahisgutan mao nga “beautiful” ug “attractive” si Obama.
Apan usa ka independent radio host nga si Javier Ceriano ang dali nga naka upload sa maong pamahayag ni Figueroa pinaagi sa iyang social media account nga niresulta ngadto sa nagkadaiyang reaksyon.
Niluwat og opisyal nga pamahayag ang Univision Communications nga maoy nanag-iya sa TV network diin gisalida ang maong show ug nibutyag nga tinuod ang nanggawas nga taho nga gitangtang na nila si Figueroa isip empleyado human sa 17 ka tuig nga pag-alagad niini.
- Latest
