Sharon apil sa YFSF

CEBU, Philippines – Mobalik na si  Sharon Cuneta sa ABS-CBN  ug usa siya sa mga hurado sa bag-ong show sa maong network nga Your Face Sounds Familiar. Naghinam-hinam na ang fans ni Sharon sa pagbalik sa ilang idolo.

Venus ipares ni Ogie

Si  Venus Raj maoy co-host ni Ogie Alcasid sa programang  Rising Stars sa  TV5. Dakong garbo alang  ni Venus nga makauban niya ang banggiitang singer.

Suportado ni Paulo

Gibutyag ni Paulo Avelino nga malipayon siya alang sa iyang ex-girlfriend nga si LJ Reyes kinsa maoy inspirasyon karon ni JC de Vera. “Parang sa akin, it’s all about happiness. Kung saan masaya si LJ or kahit si JC. Kahit sino pang piliin nila basta maging masaya sila,” suma pa ni Paulo.

Nagpaklaro na

Gikatahong naandan na ni  Aljur Abrenica nga magpadala og pagkaon kang Kylie Padilla sa set sa  Sunday All Stars. Taud-taud na nga gidungog nga nagbalik ang duha.

Dawaton na lang

Giangkon ni  Ogie Alcasid nga naguol siya sa pagbiya ni Sharon Cuneta sa TV5. Girespeto hinuon sa singer ang hukom sa iyang higala.

Kinsa man gyud

Nag-iyahay lang og pasingitay ang fans nila ni Julia Barretto, Liza Soberano, Kathryn Bernardo, ug  Janella Salvador. Ang ilang mga idolo maoy ilang gisugyot nga mahimong bida sa pag-revive sa pantaseryeng Marina sa ABS-CBN. Samtang ang fans ni Julia nitataw nga dako og purohan nga maangkon kini sa ilang idolo sanglit iyaan man niini ang unang bida sa Marina nga si Claudine Barretto.

Natabunan sa ubang isyu

Wala pa gyud motubag si  Xian Lim kung tumanon ba niya o dili ang hagit ni Albay  Governor Joey Salceda nga kinahanglan niya suroyon ang beauty spots sa maong dapit. Natabunan na ang maong isyu sa ubang mga panghitabo sa showbiz.

Vin seryoso sa negosyo

Nagtungha og culinary arts si  Vin Abrenica sa  Global Academy gumikan kay makatabang kini sa pagpadagan sa iyang restaurant sa Batangas. Kung dili busy si Vin sa showiz, ang pag-atiman sa iyang  restaurant  maoy iyang atubangon.

Palahi nga selebrasyon

Gisaulog ni  Luis Alandy dili pa lang dugay ang iyang 34th birthday. Kauban niya sa iyang birthday party ang mga bata sa orphanage.

Wala damha

Giangkon  Richard Yap nga igo ra siya tigtan-aw sa mga serye niadto ni Judy Ann Santos ug wala niya damha nga makauban niya kini sa TV project. Mag-uban ang duha sa seryeng Someone to Watch Over Me sa ABS-CBN. 

Jodi naglikay sa interview

Kanunay nga mobantay si Jodi Sta. Maria sa iyang boyfriend nga si  Jolo Revilla sa tambalanan. Dili pa andam si Jodi nga magpa-interview.

Richard nakadaug sa Portugal

Si Richard Gomez maoy napili nga  Best Actor sa  35th Oporto International Film Festival didto sa Portugal. Nakadaug si Richard gumikan sa maayo niya nga pagkadala sa iyang role nga police sa action drama indie film nga The Janitor.

Birthday message

Gikilig ang fans ni Maja Salvador sa dihang nipadangat kini og birthday greeting sa iyang uyab nga si Gerald Anderson. "Happiest Birthday to the Man who owns my heart. Im proud of you pogi. Sa lahat ng nangyari at mangyayari pa sayo patuloy lang akong magiging proud sayo,” suma pa sa Instagram  post ni Maja.

Birthday gift

Usa ka  Fossil wrist watch ang birthday gift ni Miguel Tanfelix ngadto sa iyang leading lady sa seryeng Once Upon A Kiss nga si Bianca Umali. Nagdumili si Miguel sa pagbutyag sa presyo  sa maong relo.

Jason nakugang sa komento ni Christina

Giangkon sa The Voice of the Philippines grand winner nga si Jason Dy nga nagmahay siya nga wala siya katan-aw sa concert ni  Christina Perri dinhi sa nasud sa miaging gabii.

Suma pa ni Jason naatol kini sa taping sa special concert sa The Voice busa wala siya katikang sa concert ni Christina. Kahinumduman nga naukyab ang kadaghanan sa positibong komento ni Christina ngadto kang Jason sa dihang nikanta kini og  “Jar of Hearts” sa usa ka episode sa  “The Voice of the Philippines.”

“Oh God, it made me cry. He killed it. That may be the best arrangement. That might be my favorite arrangement I’ve ever seen. Hi, Jason! That was so good. Thank you so much for choosing my song,”  suma pa ni Christina. Mapasalamaton si Jason sa komento ni Christina ug dugay kaayo siya nakatoo ilabi na nga usa kini ka international singer.

Sobrang nagulat po ako na parang hindi po siya totoo. Nakakapanghinayang nga kasi her concert was on the same night na nag-tape kami ng ‘The Voice’ concert so hindi ako nakapunta. Pero I’m very very grateful to Ms. Christina Perri. I’ve seen the video na napanood niya, sobrang nakakatuwa. Thank you so much po,”  tsika pa ni Jason ngadto sa ABS-CBN News.

Crazy Beautiful You mikita na og P220M

Mikita na og P220 million ang pelikula nila ni Kathryn Bernardo ug Daniel Padilla nga  “Crazy Beautiful You” sulod sa 12 ka   adlaw nga pagpasalida niini. Gianunsyo kini ni Kris Aquino sa programang The Buzz kagahapon ug gitouhan nga mosaka pa og maayo ang kita niini gumikan kay padayon pa kini nga

gisalida sa pipila ka mga sinehan.

Kahinumduman nga sa unang adlaw nga pagpasalida niini niadtong  February 25, nikita dayon kini og  P32 million ug nisaka ngadto sa  P110 million sa ikalimang adlaw nga pagpasalida niini.

Empress Ki gikagubtan

Lawom na kaayo sa gabii nga matan-awan,  apan  wala kini mahimong babag alang sa mga nagsunod niining Korean period drama sa GMA-7 nga Empress Ki nga gibidahan nila ni Ha Ji-Won (Lady Ki), Ji Chang-Wook (Emperador Togon) ug  Joo Jin-Mo (Wang Yu).

Kahinumduman nagsugod ang pagpasalida niini dinhi sa Pilipinas niadtong October 20 sa miaging tuig isip hulip sa "I Hear Your Voice."

Ang maong serye gigama sulod sa siyam ka buwan didto sa South Korea ug gitawag kini nga  "most-anticipated period drama of 2014".

Nagmadaugon ang Empress Ki sa iyang timeslot dinhi sa Pilipinas. Sa labing ulahi nga datos nga giluwatan sa Nielsen TV Audience Measurement alang sa tibuok buwan sa February 2015, nakakuha kini og16.3% .

Sa resulta usab niadtong Marso 3, Martes, nakaangkon kini og 19.8% ug gipalukapa niini  ang laing Korean series sa ABS-CBN nga Unforgettable Love ni Le Min Ho nga nakakuha lang og 7.8%.

Matag gabii, magpista ang netizens sa paghisgot sa mga natan-awan nila sa Empress Ki pinaagi sa pag-post og mensahe sa pipila ka mga social networking sites.

Kasagaran niini ang nidayeg sa Empress Ki gumikan sa kalawom sa dagan sa istorya niini diin nahisama kini sa sitwasyon sa dagan sa politika dinhi sa Pilipinas.

Sa maong serye, gipakita ang nagkadaiyang pamaagi aron  maangkon ang mga dakong posisyon sa usa ka nasud.

Gipakita usab niini nga kinahanglan nga makahipos og impormasyon sa mga bati nga binuhatan sa kontra sa politika aron hingpit niya kini nga mapukan.

Sa namantala nga artikulo sa www.kdramastars.com, gipaambit ni Ha Ji-Won (Lady Ki) ang paghilak niya sa katapusang adlaw sa taping sa maong programa gumikan kay nawili gyud siya sa iyang mga kaubanan.

"We finished filming this morning and I returned to the dressing room to put down my costume and crown. When I faced the cast and crew that I worked with for nine months it made me cry. We just cried without saying anything,” suma pa ni Ha Ji-Won.

Sa maong serye, panagsa ra matan-awan si Lady Ki nga mopahiyom sanglit usa man kini sa kinaiya sa emperatris, ug gipatigbabaw usab niya ang pagkautokan hinungdan nga wala gyud matandog sa posisyon   ang kapikas niya nga emperador.