Jam Sebastian ng Jamich pumanaw na

MANILA, Philippines – Sumakabilang buhay na si Jam Sebastian ng Youtube sensation na Jamich ngayong Miyerkules ng umaga.

Ayon sa Facebook post ng kanyang inang si Maricar Fernando Sebastian ay ganap na 10:30 ng umaga pumanaw ang anak.

Bumuhos ang pakikiramay sa pamilya ni Jam sa social media kung saan mula nang magkasakit siya ng lung cancer ay tinutukan lalo ng mga fans ang kanyang kalagayan.

Ibang klaseng pagmamahalan din ang pinamalas nila ng kanyang fiance na si Mich Liggayu na hindi siya iniwan hanggang sa huling sandali ng kanyang buhay.

Thank you for everything... No words can explain. Until we meet again...

— JAMICH (@ilovejamich) March 4, 2015