Daniel tatlong taon nang walang GF, ready and waiting lang daw siya

Masaya raw si Daniel Matsunaga para sa pagpapakasal ng dating kasintahan na si Heart Evangelista kay Senator Chiz Escudero kamakailan. “Siyempre masaya ako for Heart kasi we were together for almost two years and kilala ko siya. I know every time that she passed through in her life and alam ko masaya siya ngayon. I met Chiz already and I really wish them all the best because they put God in front of everything and everything will be perfect,” nakangiting pahayag ni Daniel.

Hanggang ngayon ay wala pa rin daw karelasyon ang binata at ang trabaho lamang ang pinagtutuunan nito ng panahon. “Single ako and I believe siguro in God’s time there will be the right person to arrive in your life. I’ve been single for three years. Single and waiting, waiting. My heart is ready, ready siyempre. Ready pero siguro ngayon focus muna ako sa trabaho ko,” pagbabahagi ni Daniel.

Samantala, matagal na raw pinapangarap ng aktor na madala sa Pilipinas ang ilan pang kamag-anak na nasa Brazil ngayon. “I’m a Filipino resident now. Hindi pa Filipino citizen kasi matagal ‘yung process. Sana soon I will do that too. My plan was always to bring my family here talaga. Baka soon after my father retires sa Brazil I will be able to bring them all here. Kasi nandito ‘yung kapatid ko, may asawa siya rito sa Pilipinas. Filipino siya, so we have a Filipino family. Sana soon my whole family will be here also to live and to share with us everything that the Filipino people shared with us. I live here now and masaya ako rito,” paliwanag ni Daniel.

Solid ang samahan Nadine at James nagbibigayan ng advice ‘pag may problema

Napi-pressure na raw si Nadine Lustre para sa teleseryeng pagtatambalan nila ni James Reid sa Kapamilya network, ang On The Wings Of Love. “Ito kasi, unlike sa movies, parang ito, lahat ng tao mapapanood nila even ‘yung mga TFC (The Filipino Channel) subscribers. But it’s the excitement, mas mananaig ‘yung excitement kaysa sa pressure. Parang it’s good to feel pressure kasi parang feeling mo na mas matsa-challenge mo ‘yung sarili mo to do better,” bungad ni Nadine.

Kamakailan ay napabalitang may ibang babaeng dini-date daw si James pero ayon kay Nadine ay hindi naman kailangang mag-alala ng mga tagahanga ng kanilang tambalan. “Relax lang kayo, okay lang ‘yun,” natatawang pahayag ng aktres.

“Kasi minsan when they get affected parang med­yo siyempre nadi-disappoint sila, and some of them are thinking that parang nahu-hurt daw ako and all that. We’re okay, solid tayo so relax lang kayo diyan, kaya natin ito,” dagdag pa ni Nadine.

Maituturing daw ng aktres na isang matalik na kaibigan si James. “Actually he’s my closest friend talaga. When he asks for advice naman, kinukwentuhan ko naman siya, nagbibigay naman ako ng advice. Since we’re a team nga so dapat solid kami,” giit ng dalaga.

Reports from JAMES C. CANTOS