That dress

Nagkagubot ang mga tawo. Naglibog sila, naglantugi kabahin niining usa ka sinena nga matud pa black and blue ang color, apan aduna say muingon nga gold and brown. May niingon nga white. Sa Facebook hastang daghanang naglalis. Ang tibuok kalibutan #affectedmuch! Pakkk!

Suma pa sa Washington Post online, ang maong dress gidisenyo para sa usa ka inahan sa usa ka bride didto sa Scottish Isle of Collonsay. Gikuhaan og hulagway sa maong inahan ang dress ug gipadala ngadto sa iyang anak nga kaslonon. Pagkakita sa anak, wala sila nagkasinabot unsa gyuy color sa maong dress, hinungdan nga sa kalibog sa anak, gi-upload kini sa facebook sa pamasin nga matabangan siya pagkaplag sa hustong tubag unsa gyuy color. Dinhi na nagsugod ang kasikas sanglit ang mga nakakita niini wala sab magkasinabot. May mga celebrity nga nakakita niini. Hasta ang singer nga si Taylor Swift  ug ang TV host nga si Ellen de Generes nakakita ug lahi sab ilang tubag. Si Taylor niingon nga “obviously it’s blue & black” samtang si Ellen nideklara nga “white & gold”. Pakkk!

Niadtong Huwebes sa gabii kini nilugwa online ug hangtud karon wala pa gyud nagkasinabot ang mga tawo  unsa gyud ang husto nga tubag o color. As for me, wala gyud ko’y pakialam bisa’g nag-trending pa siya sa akong newsfeed sa facebook. Pero gisapot ko light adtong Biyernes sa gabii hinungdan nga ako gyung giutingkay unsa gyuy sinugdanan niining tanan. Ang akong nakuykoyan mao na akong gisuwat sa ibabaw.

Pero akong pangutana lang ba, unsa may makuha nato o nila nga naglalis sa hustong color? Makalibog lang ba, ngano diay og husto atong tubag naa tay premyo? Okay so makatabang ta sa bride nga makasabot siya unsa gyuy color. Okay fine. Apan ang akoa lang, kun dili haom ang color sa dress sa motif sa kasal, pwes mangita na lang og lain. Himuon pa gyud na nga labad sa ulo? Nagkapoy-kapoy ra gyud ta, (aw sila diay), ani!  Pakkk!

Ang problema man gud sa mga tawo mao nga kusog kaayo ta nga musunod sa uso. Kun unsay trending, kinahanglan makaapil gyud ta. Kun unsay bag-o nga style sa sinena, unsay bag-ong produkto kinahanglan makapanag-iya gyud ta. Ang uban nga walay ikasarang mupalit na lang og fake. Bahala’g peke basta kay “in” ta. Hinay-hinay nata’g biya niining maong mentalidad dear okRYANians. Dili ta magsige’g sunod-sunod uy, magmugna ta og ato. Dili ta magsakay-sakay sa uso kay kun magkalisud mahagbong nya ta. Di ba, sa atong pagsunod-sunod, sa atong paningkamot nga ma in ta or ma belong ta, mahug na nuon ta nga social climbers. So kun diha sa atong pagkatkat, dili imposibli nga mahagbong. Mahagba man gyud nang social climbers. Pakkk!

“Jesus is my savior”

Nanawagan si Asia’s Songbird Regine Velasquez ngadto sa iyang mga followers nga hunungon na ang pag-tag niya og mga ‘chain letters” sa Instagram sama sa “you will die if you will stop reading this” ug uban pa. Suma pa ni Regine kristiano siya ug usa ra iyang gituohan: Jesus is my only Lord and savior.

“Forever you and me”

Kun si Pauleen Luna maoy pasultihon, kumbinsido siya nga aduna gyud silay “forever” ni Vic Sotto. Caption ni  Pauleen sa ilang hulagway ni Vic nga iyang gi-upload sa Instagram: As we always say, forever you and me.

“Beast’ ang gusto ni KC

Hugyaw ang gi-upload nga hulagway ni KC Concepcion sa iyang Instagram nga nagpadayag nga makig-date lamang siya og lalaki nga “beast” sa gym o nag-workout.

Ayaw’g hilabti si Pacman!

Nanawagan si Robin Padilla ngadto kang Senator Kiko Pimentel nga dili na lamang iapil-apil sa politika si Pambansang Kamao ug  Kongresista Manny Pacquiao. Kini may labot sa pamahayag sa senador nga haom hatagan og tax exemption si Pacman sa away nila ni Floyd Mayweather karong May 2.

Designer nagyawyaw batok Bb. Pilipinas

Nagyawyaw ang designer nga si Leo Almodal gumikan kay labihan matud pa ang politika sa Bb. Pilipinas pageant. Niya pa, siya nay nitabang, siya pay himuong dautan. Pwes, katapusan na lamang matud pa niya nga libre ang iyang serbisyo sa kandidata nga magpatabang kaniya. Si Leo mao ang designer sa pink gown nga mao untay ganahang isul-ob ni MJ Lastimosa sa Miss Universe pageant niadtong Enero.