Piolo papangayuon og pasaylo!

CEBU, Philippines - Usa ka nagpailang paryente sa basher ni Piolo Pascual ang nisuwat ngadto sa www.fashionpulis.com aron mudemanda og public apology gikan mismo sa aktor.

May kalabutan kini sa picture sa basher nga gi-upload ni Piolo apan gi-delete ra usab niya pagka taod-taod. Hulagway kadto sa basher ni Piolo nga nikomentaryo og “ ang baklang si Piola” sa instagram post ni Pokwang sa nilabay nga adlaw.

Sa kalagot ni Piolo iyang gi-upload ang account sa maong basher diin may mga hulagway kini nga may kauban nga bata. Nagkanayon pa si Piolo nga unta inig dako sa maong bata dili kini mahisama sa inahan (basher) ug aduna kini maayong pamatasan.

Apan base sa suwat nga nadawat sa nahisgutang entertainment blog, dili diay anak sa basher ang bata nga kauban niini sa hulagway. Ang nagpadala sa suwat maoy nangangkon nga maoy inahan sa bata.

“As a mother of the child in the photo, I am deeply hurt that my daughter’s right was violated merely because the person  (a relative of mine) who’s with her in the photo called Mr. Piolo Pascual, gay. I know it’s very insensitive of that person to make inappropriate comments like that... I get it... it’s wrong. But what I can’t tolerate is Mr. Pascual exposing my innocent child to the world to get back at the person who wronged him. Now my poor child’s reputation is tainted,” tipik sa suwat.

Gumikan niini, nidemanda siya nga muluwat og public apology ang aktor gumikan sa nahitabo.