Solved Na Solved, sinorpresa si Atty. Mel Sta. Maria!
MANILA, Philippines – Haping-hapi si Atty. Mel Sta. Maria sa ginawang maliit pero makahulugang surprise birthday segment para sa kanya ng production staff ng Solved na Solved nitong nakaraang Lunes. Nagbigay din ng kani-kaniyang mga pagbati ang mga co-hosts niyang sina Gelli de Belen at Arnell Ignacio.
“Si Atty. Mel talaga ang informer ko pagdating sa mga batas at isang pribiliheyo para sa akin na magkasama kami sa programa. Happy Birthday, Atty. Mel! Cheers to another blessed year ahead. You da man!” bati ni Gelli de Belen.
“Bago pa man ako mag-host ng Solved na Solved kasama si Atty. Mel, fan na talaga niya ako lalo na sa kung paano niya ginagawang simple yung mga kumplikadong legal issues ng mga audience. Para kay Atty. Mel, Happy Birthday! Sana mas marami ka pang mabahagian ng iyong karunungan,” bati naman ni Arnell Ignacio.
Wish naman ni Atty. Mel na sana raw ay mas marami pang matulungan ang kanilang programa lalo pa’t importante talaga na alam natin ang mga batas na prumoprotekta sa ating mga karapatan.
Samantala, tuloy ang misyon ng Solved na Solved na magbigay solusyon sa mga legal problems ng mga pangkaraniwang Pilipino. Ngayong linggo, pag-uusapan nila ang kaso ng napaslang na 44 PNP-SAF members, at tatalakayin ang mga benepisyo’t karapatan ng kanilang naiwang mga pamilya.
Mapapanood ang Solved na Solved, Lunes hanggang Biyernes, 10:15 a.m. sa TV5.
- Latest
