Boses ni Xian hindi nakatulong sa Paddington! Piolo pinatulan ang babaeng tinawag siyang bakla

SEEN: Walang epekto ang paggamit ng boses ni Xian Lim sa Paddington dahil hindi naramdaman na ipinalabas ito sa Philippine theaters noong February 11. Mahirap lagyan ng padding ang frustrating  box-office gross ng Paddington.

SCENE: Ang pagtatanggol ni Pokwang kay Piolo Pascual sa isang hater na nang-insulto sa pagkalalake ng aktor: Sa mga haters and bashers, isip muna bago click lalo na kung mabuting tao ang kinakalaban n’yo. Si Piolo Pascual ay napakabait na ama, kapatid at kaibigan so sana tigilan n’yo na ang ganyang mga gawaing maka-impierno sa kapwa. Tandaan lang ang isang salita KARMA!!!’Yun na! Lahat ng masamang gawain, may balik din ‘yan!

SEEN: Inilagay ni Piolo Pascual sa Instagram account niya ang litrato ng babae na tumawag sa kanya ng bakla. May caption na “I hope your daughter (if she is) grows to be a respectful person.”

SCENE:  Inalis agad ni Piolo Pascual sa kanyang Instagram account ang litrato ng hater at ng bata na kasama nito. Tama ang ginawa ni Piolo bilang proteksyon sa inosenteng bata na nadadamay sa  isyu na hindi siya ang may kasalanan.

SEEN: Block and delete lamang ang dapat na sagot ng mga celebrity sa kanilang mga hater at basher. Hindi dapat pinapatulan ang mga basher at hater na nagpapapansin, nagtatago sa mga alias at walang respeto sa kapwa at sarili.

SCENE: Botox beauties sa Oscar Awards sina Nicole Kidman at Melanie Griffith.

SEEN: Inilunsad kahapon sa Makati City ang unfinished biography ni Armida Siguion –Reyna. May Alzheimers Disease ang 84-year old singer-actress.