Solenn at Iya, international ang taste!

MANILA, Philippines - Ngayong Sabado, samahan ang Taste Buddies na sina Solenn Heussaff at Iya Villania-Arellano na tikman ang iba’t ibang international dishes sa Fisher Mall. Makakasama nila ang Kapuso leading man at bad boy ng dance floor na si Mark Herras.

Magsisimula ang kanilang katakam-takam na food trip sa Riger Hotz kung saan titikman nila ang Korean Bulgogi at iba pang fast food items. Anghang-sarap naman ang naghihintay sa kanila sa Indian-inspired dishes ng Ganeza Curry. Susubukan din nila ang exotic Asian flavors na ihahanda mismo ng isang seasoned Malaysian chef sa Truly Asia. Para naman sa dessert, di nila palalampasin ang unique flavored ice ng Cold Layers.

Bukod dito, magshe-share rin si Solenn ng fashion tips kung paano ang pagmi-mix and match ng prints ng mga lalake at si Mark pa ang magiging model niya. Si Iya naman, pabobonggahin ang isang plain aquarium gamit ang ilang clever painting tricks.

Huwag magpahuli sa isa na namang Saturdate ngayong February 21 saTaste Buddies, 8:45PM sa GMA News TV.