Viral video

CEBU, Philippines - Gipistahan na sa social media ang version nila ni Maja Salvador ug Melai Cantiveros sa music video sa awit ni Sia nga “Chandelier”.  Nasayran nga naliki og maayo ang mga tawo nga nakakita sa maong video.

Sam mitan-aw og Ellen

Kasamtangang mibakasyon si Sam Milby sa Los Angeles ug wala niya sipyata ang pagtan-aw sa personal sa programang “The Ellen DeGeneres Show”. Kahinumduman nga ubay-ubay na nga mga artista sa nasud ang nakatikang na sa studio sa maong show, sama nila ni KC Concepcion, Isabel Oli, John Prats. Kathryn Bernardo, Daniel Padilla, Enchong Dee ,  Toni Gonzaga ug Alex Gonzaga.

Grammy Awards sa Pilipinas

Gibutyag sa presidente sa Organisasyon ng Pilipinong Mang-aawit (OPM) nga si Ogie Alcasid nga nagplano ang iyang grupo nga mohimo og local version sa naandan nga  Grammy Awards sa  United States. Suma pa ni Ogie nga  ilaha na nga gitun-an ang nahisgutang plano.

Higala ang maka-date 

Gipadayag ni Coco Martin nga nangita pa siya og tawo nga iyang maka-date sa  Valentine’s Day. Suma pa sa aktor nga wala siya’y uyab busa klaro na nga higala ra gyud niya ang iyang makauban sa maong okasyon.

Jadine sa MMK

Sila si James Reid ug Nadine Lustre maoy bida sa umaabot nga episode sa Maalaala Mo Kaya. Makauban usab nila si Sharmaine Arnaiz, Hyasmin Neri, Andre Garcia, Aina Solano, Erin Ocampo, Myrtle Sarosa, Nicole Barranda, Kyra Custodio, Axel Torres, Onse, Noel Colet ug  Marites Samson.

Marian nag-Aegis medley; muari sa Cebu

Mutekang sa Sugbo sa labing unang higayon human sa iyang kasal si Marian Rivera alang sa usa ka show diha sa Gaisano Mall Carcar karong February 17, sa alas kwatro sa hapon.

Una niini, nahugyaw kang Marian ang iyang mga fans didto sa General Santos City niadtong Sabado, human siya nibirit og kanta nga iya sa Aegis.

Nakugang ang iyang fans gumikan kay napamatud-an sa GMA7 Primetime Queen nga dili kay sa pag-arte ug pagsayaw ra diay ang iyang talento, may ikabuga diay usab siya sa pagbirit.

Ug dili kay birit lamang, Aegis medley ang gipaambitan ni Marian ngadto sa iyang mga fans nga gibanabanang nikabat ngadto sa 4,000, diin matud pa sa management sa Events and Convention Center sa KCC Mall sa GenSan, usa na kadto sa labing baga nga gidaghanon nga naghugop sa ilang establisyemento.

Kahinumduman nga atol sa kasal ni Marian ug Dingdong Dantes niadtong December 30, naka-jam sa nahisgutan ang Aegis rock band atol sa ilang reception, busa nagtuo ang mga fans nga nakuwangan pa ang nahisgutan.

Samtang, Kapuso Fan’s Day ni Marian ang mahitabo diha sa Carcar karong February 17.

Basin Ikaw Na!

Buot ba nimong mamahimong inila nga performer sa tibuok kalibutan?

Pwes ania na ang imong kahigayonan! Angkona ang katumanan sa maong pangandoy pinaagi sa World Championships of Performing Arts (WCOPA) Team Philippines - Visayas 2015!

Ang screening ipahigayon karon nang Sabado, February 14, 2015 diha sa  Center for Pop Cebu office sa  Mango Avenue, 1:30-5:30 pm!

Alang kini sa mga singer, models ug daghan pa. Para sa dugang kasayuran email sa: [email protected] or call/text +63.925.525.5850.

I-like sab ang Facebook page Stars of Cebu karon na dayon aron dili ka mauwahi!

Albie nakapiso ni Jake

Gipikhan ni Jake Ejercito si Albie Casiño ug matud pa tataw kaayo nga pang-promo ra sa iyang showbiz career ang  paghatag og komento niini kalabot kang Andi Eigenmann. Una nga milenggua si Albie nga wala pa matino kung siya ba gyud ang amahan sa anak ni Andi busa dili  siya angayan hukman dayon.

Vilma mokanta og balik

Gikatakdang mosalmot puhon si Governor Vilma Santos-Recto sa Grand Karaoke Challenge  sa ASAP . Makauban niya ang iyang anak nga si Luis Manzano ug ang TV host nga si Alex Gonzaga.

Ogie motabang sa Fallen 44

Nakig-alayon na si Ogie Alcasid sa Philippine National Police aron personal niya nga mahatag ang iyang donasyon ngadto sa mga pamilya sa Fallen 44.  Naggikan kini sa iyang talent fee sa umaabot niya nga concert karong February 20. 

Miguel mogradwar na

Mogradwar sa high school  ang Kapuso star nga si Miguel Tanfelix. Mibilib kang Miguel ang mga kaubanan niya nga artista gumikan kay wala gyud kalimti sa aktor ang pag-eskwela bisan pa man sa ka-busy sa iyang career. Kasamtangang malantawan si Miguel sa seryeng Once Upon a Kiss ug sa  sitcom nga Ismol Family. 

Relax

Karong February 14 na ang kasal nila ni Yeng Constantino ug Victor “Yan” Asuncion didto sa Tagaytay.  Gikatahong relax na lang kaayo ang duha gumikan kay nakaplantsa na sukad pa sa miaging tuig ang maong okasyon.

Siyam ka tuig

Gihimakak ni Mike Tan ang report nga matud pa nagbuwag na sila sa iyang non-showbiz girlfriend. Suma pa ni Mike nga normal lang nga mag-away silang duha apan dili siya makatugot nga mabungkag ang ilang relasyon. Siyam na sila ka tuig sa iyang uyab.

Reaksyon ni Lea

Gipadayag ni Lea Salonga nga dili gihapon matawag og singer si Anne Curtis apan gitataw niya nga dunay gamay nga kalamboan sa tingog niini. Giklaro hinuon ni Lea nga na-enjoy siya og maayo sa performance ni Anne sa dihang ni-guest kini sa The Voice of the Philippines sa miaging gabii.

Bag-ong inspirasyon ni Rhian

Car racer ang bag-ong boyfriend ni Rhian Ramos. Gikaon ra sa aktres ang lenggua niya niadto nga mopahuway una siya sa pagbaton og uyab human sa breakup nila ni KC Montero.

Martin mitin-aw sa isyu

Gihimakak ni Martin Nievera ang nitumaw nga istorya nga matud pa duna’y relasyon ang iyang ex-wife nga si Pops Fernandez ngadto kang kanhi  Ilocos Sur Governor Luis “Chavit” Singson. “I know they’re very good friends. They’ve always been good friends. “Maybe people are putting some seasoning once again,” suma pa ni Martin. (Sanden J. Anadia)

Kinsay makoronahan? Mr. and Ms. Olive C 2015

Pormal na nga gipaila-ila sa publiko ang pipila sa mga kandidata sa Cebu Regional Search sa Mr. and Ms. Olive C Campus Model 2015 niining bag-o lang diha sa Robinsons Mall, Fuente.

Padayun sa paghatag og kahigayunan ang maong indigay ngadto sa mga estudyante nga nangandoy nga mamahimong usa ka model. Matud pa ni Jaime Acosta, President Psalmstre Enterprises Incorporated, ang bulahang mananaog nga mudaug sa Cebu search mao’y ipadala sa Manila aron makigtigi sa national competition sa Olive C karung Mayo.

Nasayran nga ang Olive C nahimong tulay sa mga nangandoy nga mahimong artista. Pipila sa mga nidaug niini nga swerteng nakasud sa showbiz ug mi-arangkada sa mga beauty contest mao sila si Hiro Magalona sa GMA-7, Ms. Philippines Earth – Water 2011 Muriel Adrienne Isidore Orais, Ms. Supranational 2013 Mutya Johanna Datul, Jon Lucas sa ABS-CBN Star Magic ug ang nakadaug sa miaging tuig nga si Ryan Paul Artienda ug Ash Ortega sa GMA-7.

Dose ka babaye nga kandidata ang magtigi sa maong titulo nga maglangkub nila ni Reynaly Campos, 20, tinun-an sa kursong Nursing sa Southwestern University; Marimar Dinapol, 17, tinun-an sa kursong Tourism sa Cebu Normal University; Katherine Rey Go, 15, tinun-an sa Saint Thomas Aquinas – School Montessori; Princess Jayme, 18, tinun-an sa kursong Communication sa Cebu Normal University; Luzenne Jones, 16, tinun-an sa San Roque Child Development School; Cheryl Dela Cerna, 18, tinun-an sa kursong Elementary Education sa University of Cebu; Norecel Mae Ybañez, 18, tinun-an sa kursong Tourism Management sa Cebu Institute of Technology - University; Clare Inso, 16, tinun-an sa kursong Nursing sa Cebu Normal University; Jane Claire Jamili, 17, tinun-an sa kursong Mass Communication sa University of San Carlos; Jowyna Kristine Yap, 17, tinun-an sa kursong Business Administration Major in Operations Management sa University of San Carlos; Monique Acha, 18, tinun-an sa kursong Communication sa Cebu Normal University; ug Carneah Basmayor tinun-an         sa East Visayan Academy.

Samtang aduna’y 14 ka lalaki ang magtigi nga mao sila si Adon John Laserna, 17, tinun-an sa kursong Mechanical Engineering sa University of San Carlos; Lauro Orlando Magno, 20, tinun-an sa kursong Hotel and Restaurant Management sa University of Cebu; Glenn Phil Cumayas, 18, tinun-an sa kursong Business Administration sa University of Cebu; Kenn Jerone Omar, 17, tinun-an sa kursong Chemical Engineering sa Cebu Institute of Technology – University; Jefferson Yu, 20, tinun-an sa kursong Marketing Management sa University of San Carlos; Renier Dosdos, 17, tinun-an sa kursong Accountancy sa University of San Carlos; Frederic Lance Catacutan, 15, tinun-an sa Saint Thomas Aquinas – School Montessori; Carlo Federico Cadampog, 16, tinun-an sa University of San Carlos; Alfonso Montenegro, 20, tinun-an sa kursong Entrepreneurship sa University of San Carlos; Paul Guinefolleau, 16, tinun-an sa B.R.I.G.H.T Academy; Raymund Rosiller De Veyra, 17, tinun-an sa kursong Marine Transportation sa University of Cebu – METC; Dame Fajardo, 16, tinun-an sa Cebu Eastern College; Jan Noises Alarcon, 17, tinun-an sa kursong Communication sa Cebu Normal University; ug Daniel Elumba, 16, tinun-an sa Center for International Education.

Samtang si Ms. Olive C Visayas 2014 grand winner, Mhon Theress Menaling aduna’y mensahe sa mga kandidata: “For all the candidates, I just want to say be yourself, enjoy what you have right now because this is a once in a lifetime experience, so give your best shot.”

Ipahigayon ang pageant night karung umaabot nga February 28, 8 PM sa University of the Visayas – Main Campus. John Dante N. Obeso (BANAT NEWS)