Naanad ni Direk Wenn

CEBU, Philippines - Kung si Vice Ganda ang pasultion, ganahan siya nga si Direk Wenn Deramas gihapon ang mugama sa musunod niya nga mga proyekto sa Star Cinema. Komportable na siya kang Direk Wenn gumikan kay makadaghan na sila nga higayon nga nagkauban og trabaho.

Alonzo pasikaton sa Viva

Ang Viva Films maoy mo-produce sa umaabot nga mga pelikula sa child star nga si Alonzo Muhlach. Pipila niini ang remake sa mga pelikula sa iyang amahan nga si  Niño .

Lee Min Ho motikang sa nasud

Moabot sa Pilipinas sulod karong buwana ang Korean star nga si Lee Min Ho alang sa  promosyon sa usa ka restaurant. Kahinumduman nga bag-ohay lang nahuman ang pagpasalida sa serye niya nga Faith sa ABS-CBN.

Asintado hukman sa London

Nominado sa pipila ka mga kategoriya sa International Filmmaker Festival of World Cinema didto sa London ang pelikulang “Asintado” nga gibidahan ni  Aiko Melendez. Nominado si Aiko ug Jake Vargas pagka- best actress ug best actor. Samtang nominado pagka-best supporting actor ang laing bituon niini nga si Miggs Cuaderno.  Samtang nominado si Loie Ignacio  pagka-best director .

Cute police officer

Usa na ka police officer didto sa Canada ang kanhi  Star Magic artist  nga si Don Laurel . Giingong daghan kaayo ang magpahulagway kang Don gumikan sa iyang kaguwapo.

Career ni Janella nagpungasi

Nagmaya si Janella Salvador gumikan kay puros gyud mga positibong feedback ang nadawat sa iyang serye nga Oh My G! sa ABS-CBN. Napanglantawan nga umaabot nga big star sa ABS-CBN ang nahisgutan nga teen star.

Gipapahuway

Niulbo ang tsika nga matud pa gipapahuway una ang ubang talents sa Walang Tulugan ni German “ Kuya Germs” Moreno. Nasayran nga si Kuya Germs maoy tighatag og allowance sa uban niya nga mga alaga apan dili na kini maato karong panahona gumikan gipapahuway kini sa trabaho human na-stroke.

Nakadaug sa Spain

Ang indie film nga “Huling Cha-Cha ni Anita” maoy nakalangkat sa Lesbianism and  Gender Award 2015  sa bag-ohay lang nga  Zinegoak Bilbao International GLT Film Festival nga gipahigayon didto sa  Spain. Ang maong indie film gibidahan ni Angel Aquino.

P2M nga singsing?

Miulbo ang report nga P2 million ang kantidad sa engagement ring ni Toni Gonzaga. Nasayran nga taud-taud na kini nga gitigoman ni Direk Paul Soriano. Gikan sa Israel ang maong 1.5-carat diamond engagement ring.

Teaser gipagawas na

Gipagawas na sa Star Cinema ang official movie poster ug teaser trailer sa bag-o nga pelikula ni Daniel Padilla ug Kathryn Bernardo nga “Crazy Beautiful You.” Nalakip sa maong pelikula mao sila si Gabby Concepcion, Lorna Tolentino, Kiray Celis, Neil Colleta ug Inigo Pascual. Gikatakda kining ipagawas sa mga sinehan karung February 25. 

Request ni Vice

Ganahan matud pa ni Vice Ganda nga mahimong ring bearer sa kasal ni Toni Gonzaga ug Paul Soriano. Ang pangutana musugot kaha si Toni sa request sa maong komedyante?

Di ganaha’g gubot

Gibutyag ni Max Collins nga di siya ganahan ma-link ni Geoff Eigenmann ug nga ingnon nga siya’y giilis sa aktor kang Carla Abellana. Suma pa sa Kapuso aktres, “Naku, ayoko pong isipin ‘yon. Parang it’s very scandalous masyado, ‘di ba? Huwag po,”

Loyal sa TV5

Magpabiling Kapatid si Derek Ramsay bisan pa man og mapupos na ang iyang kontrata sa TV5 karung buwana. Suma pa sa aktor, “Even though I haven’t signed on a piece of paper how long I’m gonna be with them, they have given me that intent of wanting me to renew.”

Misabot sa sitwasyon

Dawat matud pa ni Heart Evangelista nga aduna siya’y katunga sa atensiyon sa iyang umaabot nga bana nga si Chiz Escudero. Nasayran nga dili una sila mag-honeymoon human sa ilang kasal gumikan kay aduna pay daghan responsibilidad nga atubangon si Chiz isip senador.

Misaka ang career

Gibutyag ni Jasmine Curtis-Smith nga malakip siya sa usa ka pelikula kauban si Isabelle Daza ug Paulo Avelino. Nasayran nga usa kini ka horror movie ubos sa Regal Films.

Nakamove-on na

Gibutyag ni JM de Guzman nga naka move-on na siya human sa ilang break-up ni Jessy Mendiola. Suma pa sa aktor, “Wala na. Masaya na ako. Pag naaalala ko rin siya, ngingiti na lang ako.”

Malipayon ang ex

“I’m just happy for them” ang reaksyon ni Ervic Vijandre human sa kasal sa iyang ex-girlfriend nga si Marian Rivera. Nasayran nga ang duha nagkauyab sud sa unom ka tuig.

Na-pressure sa akting

Giangkon ni Max Collins nga na-pressure siya tungod sa ka maayo mu-arte ni Empress Schuck kinsa iyang kauban karun sa usa ka soap sa GMA7. Nasayran nga nagkauban na ang duha sa Rosalka kaniadto sa ABS-CBN. - John Dante N. Obeso

Derek nanalipod kang kris

Gipadayag ni Derek Ramsay nga natural lang nga dili mahimuot si Kris Aquino sa mga tawong magsige og saway kaniya kalabot sa engkuwentro tali sa MILF ug Philippine National Police-Special Action Force.

Suma pa ni Derek nga dili lalim ang sitwasyon ni Kris human naputos sa mga pagsaway ang igsuon niini nga si Presidente Noynoy Aquino.

 "Kris is very close to her family. And when she reads messages that her brother should die, that's personal. It's okay to have an opinion but some people just take it too far, saying all these hurtful things against her like it was her fault," suma pa ni Derek sa interview niini sa Interaksyon.

Isip pagpakita og suporta kang Kris, nagpadala gyud siya og text message niini ug iyaha kini nga gitambagan nga magpabiling kalma ug dili magpadala sa mga tawo nga magsige og atake ngadto sa presidente.

 "We really don't know much about this touchy issue. The President has his reasons. We put him there. Let's trust him to lead. If we can't trust our leader, then nothing will happen. We just can't turn our back on him. He can't do it all by himself," nagkanayon ang aktor.

Dah uroy pareha ramo uy!

Daghan ang nakauyon niining maong post ni Jerika Ejercito gumikan kay husto matud pa kaayo kini kabahin kang Kris. Tinuod matud pa ang matag pulong ni Jerika niining maong post.

Suma pa sa mga followers sa www.fashionpulis.com, sakto si Jerika sa iyang giingon nga maayo kaayo nga musaway ug muprangka si Kris sa iyang mga guests sa Aquino&Abunda Tonight ingon man KrisTV kay tinuod man nga musulti gyud ang Queen of All Media unsay tinuod niyang gibati ug gihunahuna.

Tinuod usab matud pa nga maayo lamang og si Kris ang magbuhat sa ingon ngadto sa iyang mga guest, apan kun musumbalik ngadto niya ang iyang gipangbuhat diin prangkahan usab siya ug sultihan sa tinuod, mudayon paghilak.

Apan ang samang mga commenters nagkanayon nga bisan og nakauyon sila niining maong post ni Jerika, napungot usab sila sa nahisgutan. Kini kay dili sab matud pa nindot og record ang pamilya ni Jerika ug daghan usab og isyu niadtong ang iyang amahan maoy presidente.

Maayo unta matud pa og walay lama ang ilang pamilya. Hinuon may mga nakauyon sab gumikan kay tigi matud pa kini sa duha ka mga spoiled-brats.

Si Jerika anak ni kanhi presidente ug karon Manila mayor Joseph Estrada. Maguwang siya sa uyab ni Andi Eigenman nga si Jake Ejercito. (BANAT NEWS)