Kahit top 10 lang ang inabot, heroes welcome kay MJ ng mga kababayan, nakakasa na
SEEN: Isang heroes welcome ang inihahanda para kay Mary Jean Lastimosa ng kanyang mga kababayan sa North Cotabato, kahit hindi niya nakuha ang Miss Universe 2014 crown.
SCENE: Ang international Filipino designer na si Oliver Tolentino ang gumawa ng gown ni Carrie Fisher na ginamit nito sa 21st Screen Actors Guild Awards na ginanap sa Shrine Auditorium noong Linggo.
SEEN: “Only God knows,” ang sagot ni Manila City Mayor Joseph Estrada sa mga nagtatanong tungkol sa muling pagkandidato niya sa presidential election sa 2016.
SCENE: Bakasyon grande sa Japan sina Mariel Rodriguez, Robin Padilla at ang mga anak nito kay Leizl Sicangco. Tinapos muna ni Robin ang mga commitment niya sa 2 ½ Daddies bago sila nagbakasyon sa Japan ng kanyang pamilya.
SEEN: Magkakaroon ng bagong show sa TV5 sina Mariel Rodriguez at Robin Padilla sa 3rd quarter ng 2015.
SCENE: Showing ngayon sa mga sinehan ang Halik Sa Hangin, ang pelikula na tinatampukan nina Julia Montes, JC De Vera at Gerald Anderson.
SEEN: King of Make Up Transformation ang title na ibinigay kay Paolo Ballesteros ng Eat Bulaga. Maaari nang i-download sa Eat Bulaga Mobile ang make up transformation ni Paolo at ang mga exclusive video ng show na hindi napapanood sa telebisyon.
SCENE: Sayang ang airtime ng Sunday All Stars na ibinibigay sa The Felix Group nina Mark Herras, Sef Cadayona, Mike Nacua at Albert Sumaya dahil irrelevant sa show ang kanilang mga production number.
- Latest
