Prince Harry fan na fan ni Manny, Pacman nagpasalamat sa Diyos sa karanasang maka-dinner ang prinsipe ng England
Natuloy na kahapon ang dinner ni Congressman Manny Pacquiao kay Prince Harry at nangyari ito sa London.
In fairness to me, sineryoso ko ang pralala ni Bernard Cloma nang magkita kami sa kasal nina Marian Rivera at Dingdong Dantes noong December 30.
Si Bernard ang nagkuwento sa akin tungkol sa imbitasyon ni Prince Harry na makipag-dinner kay Papa Manny.
Hindi ko pinagdudahan ang pralala ni Bernard dahil hindi pa naman ako nakukuryente ng kanyang mga balita.
Saka kinumpirma rin ni Papa Manny sa mga interview na may imbitasyon sa kanya ang youngest son nina Prince Charles at Princess Diana.
At nangyari nga kahapon ang dinner date nina Prince Harry at Papa Manny na nagpasalamat sa Diyos dahil natuloy ang kanilang pagkikita.
Obvious na fan ni Papa Manny si Prince Harry or else, hindi siya mag-aaksaya ng panahon na makilala nang personal ang sikat na Pinoy boxer.
Mahigpit ang security ni Prince Harry. Ipinagpaalam pa sa kanila ang paglalabas ni Papa Manny sa social media account nito ng litrato nila ni Prince Harry.
Siyempre, kasama sa dinner si Bernard Cloma na nagbigay ng mga update tungkol sa rare meeting nina Papa Manny at Prince Harry.
Ka-join sa dinner si Mama Jinkee na imposibleng hindi kinilig nang makilala niya nang personal ang anak nina Prince Charles at Princess Diana. Ni sa panaginip, hindi naisip nina Papa Manny at Jinkee na darating ang araw na makakatanggap sila ng dinner invite mula sa prinsipe ng England.
Bagong serye ni Dingdong inihahanda na
New year, new look si Marian Rivera-Dantes pagkatapos ng honeymoon nila ni Dingdong Dantes sa Europe.
Sporting a new hairstyle si Marian dahil may bangs na siya. Bumagay kay Marian ang bangs dahil likas na maganda ang kanyang mukha.
Nahiyang si Marian sa honeymoon nila ni Dingdong sa Europe kaya ang pakikipagkita kay Dra. Vicki Belo ang first appointment niya nang bumalik siya sa Pilipinas.
Na-miss ni Marian ang mga beauty procedure na regular na ginagawa sa kanya ni Mama Vicki sa Belo Medical Clinic.
Bumisita naman si Dingdong sa mga executive ng GMA 7 noong Huwebes.
Nagpasalamat si Dingdong sa mga big boss ng Kapuso Network dahil sa suporta na ibinigay sa wedding nila ni Marian noong December 30.
Inihahanda na ng GMA 7 ang next teleserye na pagbibidahan ni Dingdong na haharapin muna ang kanyang trabaho bilang host ng nagbabalik-telebisyon na talent search show ng GMA 7, ang Starstruck.
Jay Montelibano nagsalita sa nangyayari kay Willie Revillame
Congrats kay Jay Montelibano dahil ngayon ang binyag ng kanyang baby girl.
Invited ako sa binyag ng bagets pero hindi ako puwede dahil may conflict sa live telecast ng Startalk.
Nagkita na lang kami ni Jay noong nakaraang Sabado sa isang restaurant sa Quezon City.
Si Jay ang isa sa mga pinagkakatiwalaan na tao ni Willie Revillame. Marami kaming napagkuwentuhan ni Jay tungkol sa coming soon na television comeback ni Willie pero off the record ang lahat.
Abangan na lang natin ang announcement ni Willie tungkol sa nalalapit na pagbabalik ng kanyang TV show. Huwag paniwalaan ang mga nababasa natin na iba-iba ang version na nagpapalito sa supporters ni Willie.
- Latest
