Pakiusap kay John Lloyd Angelica ayaw sa magarbong proposal
Dalawang taon nang magkasintahan sina Angelica Panganiban at John Lloyd Cruz. May bulung-bulungan na napag-uusapan na rin daw ng dalawa ang pagpapakasal at minsan ay nagkakabiruan sila tungkol sa bagay na ito. “Hindi pa, minsan nagsusukat ako ng mga singsing ganun tapos sasabihin ko, ‘Ay! Ito pala ‘yung size ko,” natatawang bungad ni Angelica.
Maraming nangyaring mga engagement at kasalan sa showbiz noong isang taon. Mas gusto raw ng aktres na maging simple at pribado na lamang kung sakaling mag-propose sa kanya si John Lloyd.
“Feeling ko kasi mas malapit kayo sa isa’t isa ‘pag kayo lang, sincere. Hindi ko sinasabing hindi sincere ‘yung mga nagte-televise ha, pero ‘yung opinion ko, mas gusto ko na intimate lang. Pamilya, ganun, mayayakap mo agad ang pamilya mo, hindi ‘yung parang ‘Nasaan, nasaan?’ Medyo mas gusto ko ang ganun. Hindi naman ako against, parang mas solemn lang kapag kayo lang. ‘Yun lang naman ang point ko. Kung gusto niya kahit saan, ang importante nag-propose. Hindi ako choosy,” paliwanag ng aktres.
Nakikita raw ni Angelica na magiging katawa-tawa kung sakaling mag-propose na sa kanya ang aktor. “Feeling ko magbe-breakdown ako ‘yung gano’n. Parang ‘di ba ang ganda ng mga itsura nila, ‘yung kay Marian (Rivera), ‘yung kay Isabel (Oli). ‘Yung composed lang sila tapos iiyak lang sila, tapos ang gaganda nila. Feeling ko kapag ako ‘Oh my God!’ Ewan ko, comedy siguro ang dating,” pagtatapos niya.
Alden magbabayad muna ng bahay
Personal na desisyon daw ni Alden Richards na huwag munang makipagrelasyon sa ngayon dahil sa bagong bahay na kanyang binili para sa pamilya.“Kasi bumili ako ng bahay, uunahin ko muna ‘yun kasi we’re renting ngayon. Sinabi ko naman na hopefully love life is 2015, kung may dumating why not? Since I bought a new house for my family nandoon ang focus ko ngayon para at least sa second quarter of the year makalipat na kami. Kapag na-settle ko na siguro, ‘pag relaxed na sila, pwede na ako mag-set ng other priorities na sine-set aside ko before,” paliwanag ni Alden. Reports from James C. Cantos
- Latest
