#Scream Out Loud! Full Circle Concert

CEBU, Philippines - Maghiusa og pwersa sila si Vhong Navarro, Billy Crawford, Paulo Avelino, ug Daniel Matzunaga alang sa #Scream Out Loud! Full Circle Concert nga ipahigayon diha sa Cebu Coliseum karong January 31, 2015, sa alas siete sa gabii.

Gawas sa nahisgutang mga big stars, malakip usab niini si kanhi PBB All In housemate Vickie Rushton ug ang mga comedians nga sila si Negi, Tammy Brown, Ayee and Marya, ingon man ang bag-ong boy band nga The 5ive.

Nasayran nga ang #Scream Out Loud! Full Circle Concert, gitakda unta nga mahitabo niadto pang December 13, 2014, apan kay nagsingabot man ang bagyong Ruby niadtong tungura nahukman sa producers nga isibog kini ngadto na sa January 31, 2015.

Gumikan niini may mga tickets na nga nahalin, hinungdan nga gipasabot sa producers nga kadtong mga nakapalit na og tickets, mahimo ra usab nga mugamit niini isip entry pass karong January 31.

Alang sa dugang kasayuran, tawag sa 2551405 ug 4228988.

Katy nakulbaan sa Super Bowl

Giangkon sa  pop star nga si Katy Perry nga nakulbaan na siya og maayo samtang nagkaduol ang adlaw sa  Super Bowl.

 Si Katy maoy  performer sa halftime sa Super Bowl karong February 2 ug gipaneguro gyud niya nga malingaw gyud ang mga tawo sa iyang performance.

 Makauban ni Katy ang sikat nga  rapper nga si Lenny Kravitz.

 Samtang ang gakanta sa  “Let It Go” nga si  Idina Menzel  mao usab ang moawit sa  National Anthem sa nahisgutang kalihukan.

Nangandoy og ikaduha

Gibutyag ni Piolo Pascual nga ganahan siya makabaton og laing anak apan iya hinuong giklaro nga dili pa siya andam musud pagbalik sa relasyon kung dili mutungtong sa 18 anyos ang edad sa iyang anak nga si Inigo.

Depensa ni Valerie

Gihulagway ni Miss World Philippines Valerie Weigmann ang iyang higala nga si Miss Universe Lebanon Saly Greige nga buotan ug nga igo ra niyang gipanalipdan ang kaugalingon matud pa sa kontrobersiya. Nasayran nga nagkasuod ang duha gumikan kay si Saly mao usa’y representante sa maong nasud sa Miss World niadtong Disyembre.

Handumanan ni Dolphy

Giklaro ni Zsa Zsa Padilla nga wala’y labot ang Marina property ni Dolphy sa ilang ipang-auction karung January 31. Suma pa sa singer-aktres, “as long as we can run it hindi namin ibebenta.”

Duna’y chaperon

Gibutyag ni Marlo Mortel nga sa panahon nga mag-uban sila pagpanlaag ni Janella Savador, kuyog ang mama niini nga si Jenine Desiderio. Samtang gipangutana kung unsa nga physical trait ang iyang na-typan sa batan-ong aktres mitubag si Marlo nga,  “I like her eyes. Very expressive” tubag niini.

Nawa ang tingog

Nahimong emosyonal si Jed Madela sa usa ka event human nga iyang gibutyag nga aduna’y higayon nga nawala ang iyang tingog. Suma pa sa maong singer, “Nawala ‘yung boses ko and nobody was there. Siyempre ‘yung pamilya ko nasa Iloilo, they kept calling but it was different.”

Kiligon sa kaugalingon

Gibutyag sa kapuso-teen star Miguel Tanfelix nga kiligon sila ni Bianca Umali sa higayon nga ilang tan-awon ang ilang mga eksena sa seryeng “Once Upon A Kiss.” Ang duha managsama nga suod ngadto sa tagsa-tagsa ka pamilya.

Ganahan mag-singer

Gawas sa pag-arte, gipadayag ni Inigo Pascual ang iyang tinguha sa pagkanta. Suma pa sa batan-ong aktor, “I want to write more songs and be able to showcase that this year. I really want to be able to really show people that side of me.”

Suportado sa mga Pinoy

Gipasalamatan pag-ayo ni Miss Universe Philippines Mary Jane Lastimosa ang mga Pinoy fans sa iyang suporta nga nadawat. Suma pa sa maong kandidata, “They’re my source of strength right now. I cannot compare the Filipino fans to any other fans here. I claim it. They’re the best fans.”

Bida sa MMK

Si Edgar Allan Guzman ang bida karung Sabado sa Maalaala Mo Kaya kung diin midala siya sa papel nga bayot nga caregiver. Makauban niya dinhi mao si Nonie Buencamino, Shamaine Centenera ug John Spainhour ubos sa direksyon ni Efren Vibar.

Type ni Darren?

Giangkon ni Darren Espanto nga gwapahan siya ni Cassie anak ni Carmina Villarroel ug Zoren Legaspi apan iyang gitataw nga wala pa siya nakakita niini sa personal.

Teen stars nag-uban

Showing na sugod gahapun January 21 ang pelikulang #EwanKoSau Saranghaeyo (I Lab Yu) kung diin bida ang Star Magic artist Francis Magundayao ug GMA-7 artist Barbie Forteza. Kauban nila dinhi sila si John Lucas ug Elisse Joson ubos sa direksyon ni Roman S. Perez Jr.

Julia, kugihan

Gihulagway ni Gerald Anderson ang iyang leading lady sa pelikulang Halik sa Hangin nga si Julia Montes nga kugihan. Matod pa sa aktor “she really raised my game to a different level.”

Buhaton ang tanan

Gipadayag ni Wynwyn Marquez nga buhaton niya ang tanan aron magmalampuson siya sa umaabot nga Bb. Pilipinas 2015. Gawas sa iyang pamilya, nihatag usab og todo suporta kaniya ang iyang mga higala sa showbiz.

Ginama ni Heart

Gipadayag ni Heart Evangelista nga duna siya’y gibuhat nga music video kung diin siya mismo ang nag-edit. Ipahinungod niya ang maong video sa iyang amahan atol sa reception sa kasal nila ni Sen. Chiz Escudero sunod buwan. Nanghinaut gihapon si Heart nga motungha ang iyang mga ginikanan sa iyang kasal.

TV5 gipalabi ni Alice

Giangkon ni Alice Dixson nga dunay gitanyag nga proyekto ang laing network kaniya apan gipili niya ang mga show sa TV5. Nalakip si Alice sa sitcom nga  2 1/2 Daddies sa TV5.

Dennis bida sa Sugo

 Ipadayon ang pelikula sa Iglesia Ni Cristo nga Sugo ug si Dennis Trillo maoy usa sa mga bida niini. Kahinumduman nga si Sen. Bong Revilla Jr. maoy first choice sa maong proyekto kaniadto.

Marlene suklan ni Mystica

Gipadayag ni Mystica nga iyaha gyud nga suklan si Marlene Aguilar kinsa miatake kang Pope Francis sa social media.  Gihagit niya si Marlene nga magbugno sila diha sa dalan o “away-kalye”. Suma pa ni Mystica nga wala’y katungod si Marlene nga atakihon ang Santo Papa.

Shalala mibalik sa Walang Tulugan

Dako ang pasalamat ni Shalala nga gidawat siya og balik ni German “Kuya Germs“ Moreno isip co-host sa programang  Walang Tulugan sa GMA-7. Kahinumduman nga  taud-taud nga nawala si Shalala sa maong programa human kini nidawat og proyekto sa TV5.

Dennis miatras

Miatras si Dennis Padilla sa iyang guesting sa usa unta ka talk show sa miaging adlaw gumikan kay dili na siya ganahan motingog kalabot sa isyu nila sa iyang anak nga si Julia Barretto nga giingong nidedma kaniya sa usa ka party niadtong Disyembre.

Close gihapon

Si Sam Milby maoy usa sa mga ninong sa anak sa kauban niya sa Pinoy Big Brother niadto nga si Say Alonzo. Si Say maoy best friend karon  ni Sam.

Pageant analysts: MJ mura’g  makoronahan gyud!

Kun basehan matud pa ang mga pre-pageant events sa Miss Universe 2014, maisip nga ang pambato sa nasud nga si Mary Jean Lastimosa ang adunay dakong kahigayonan nga makoronahan karong January 25,  didto sa Florida, USA.

Niadtong 2010 matud pa sa mga beauty experts nga unom ka mga kandidata ang gipakuyog alang sa Miss Universe media tour, usa nila mao si Ximena Navarete nga mao gyuy narayna.

Niadtong 2012, si Olivia Culpo ug Janine Tugonon maoy gipadala alang sa usa ka espesyal nga TV interview. Ang ending si Culpo ang rayna ug si Tugunon ang first runner-up.

Pagka 2013, kasagaran sa mga kandidata nga gipaapil sa Tony Ward Fashion Show, niresulta sa siyam nila nga nasulod isip semi-finalists ug usa gyud nila ang narayna.

Pwes alang karong tuiga, giatangan og maayo sa mga pageant analysts kinsay dapiton alang sa espesyal nga event. Ug tuod man, nilugwa ang usa ka hulagway diin lima ka mga kandidata ang gipili sa Russian Chamber of Commerce didto sa Miami alang sa usa ka event.

Ang upat kanila mao ang mga kandidata nga gikan sa Georgia, Lithuania, Russia ug Kazakhstan nga managsama nga adunay connection sa kanhi Soviet Union o Russia.

Ang nisimang mao ang ikalima nga gidapit, walay lain kundili si Miss Philippines MJ Lastimosa.

Hinungdan nga namahayag ang pageant analysts nga senyales kini nga hayag kaayo ang kaugmaon ni MJ sa maong pageant.

Samtang sa www.missology.org, pasok sab si MJ para nila sa top 12 Miss Universe glam shots. Numero uno sa maong listahan mao ang Brazil, gisundan nila ni India, Serbia, Gabon, Colombia, Lithuania, Ecuador, Bahamas, Venezuela, ika-10 si Philippines, ug sila si Ireland ug Guam ang 11 ug 12.

Hinuon, gipaabot nga dako og kausaban kining maong mga panagna human unya sa preliminaries karong adlawa. (BANAT NEWS)