Mag-uban sa Europe
CEBU, Philippines – Naghinam-hinam na nga mulupad sa Netherlands ang Kapuso star nga si Alden Richards kauban si Nora Aunor karung January 24 aron mutambong sa Rotterdam International Film Festival. Nasayran nga giimbitar sa maong kalihukan ang ilang short film nga nag-ulohan og Kinabukasan nga ubos sa direksyon ni Adolf Alix.
Init nga eksena
Dili na pa-cute ang mga eksena nila ni Jolina Magdangal ug Marvi n Agustin sa seryeng Flordeliza ug gikatahong aduna sila’y love scene. “Puwede ko sabihin na first time ko ‘to gagawin sa buong 25 years na yata ako sa industriya. ‘Yung role ko dito, ngayon lang ako magiging gano’n,” suma pa ni Jolina.
Charice todo birit
Gipistahan pag-ayo ang video ni Charice Pempengco sa social media kung diin gikanta niya ang Let It Go sa usa ka videokehan. Todo birit si Charice sa maong kanta ug naukay pag-ayo ang netizens niini.
Mitambong sa misa
Usa ang aktres nga si Gwen Zamora sa liboan ka mga tawo nga mitambong sa misa ni Pope Francis didto sa Tacloban sa miaging adlaw. Nasayran nga alas singko pa sa buntag nag-atang sa airport si Gwen aron lang gyud makakita sa Santo Papa.
Andam mahigugma
Gibutyag ni Rich Asuncion nga andam na siya mahigugma pagbalik. “This time, kaya ko na ulit. Mas strong na ako ngayon,” nagkanayon si Rich.
Nalipay sa pagbisita
Puwerting lipaya ni Nova Villa sa pagbisita sa Sto.Papa sa Pilipinas. Matod pa sa beteranang aktres, “I would like to ask the Holy Father to pray for us here in the Philippines, lalong lalo sa ang rampant na addiction,” nagkanayon ang komedyanteng aktres.
Pahinungod sa Santo Papa
Gipasigarbo pag-ayo ni Tom Rodriguez ang iyang painting sa dagway ni Pope Francis ug iya kini nga gi-post sa Instagram. Mapasalamaton si Tom sa Santo Papa gumikan kay niistar gyud kini sa nasud sulod sa pipila ka mga adlaw.
Kristina Cassandra, The Idol
Nagbaha ang mga gimbuhaton apan dili gyud kalimtan sa 19 anyos nga si Kristina Cassandra “KC” Dilao ang paghatag og igong oras ang iyang pag-eskwela gumikan kay alang kaniya, usa kini sa nag-unang instrumento aron maseguro ang iyang kaugmaon.
Ang musika maoy maka-relax kaniya kung bation siya og kakapoy ug mao na kini ang iyang naandan sulod na sa dugay nga panahon.
Si KC maoy kampeyon sa Sinulog Idol Season 6 busa gipaabot nga molugwa siya sa nagkadaiyang kalihukan sa Siyudad sa Sugbo aron modalit og awit.
Matud pa niya nga importante kaayo nga dili itago ang talento gumikan kay pinaagi sa pagpakita niini, daghang tawo ang malipay ilabi na nga usa kini ka gasa nga gikan sa Kahitas-an.
Nagkanayon si KC nga gumikan sa Sinulog Idol, nadiskubrehan usab niya nga makaya ra sab niya ang ubang mga butang.
Aron mamintinar ang kanindot sa iyang tingog, kinahanglan nga mopahuway siya og sakto aron makalahutay pa og kanta sa sunod nga mga adlaw.
Sa pagtuon sa usa ka kanta, kinahanglan nga paminawon kini og tarong aron makakonektar gyud sa tono niini.
Gikalipay og maayo ni KC ang pagsalmot niya sa Sinulog Idol gumikan kay nadugangan ang iyang mga higala.
“Giisip gyud nako nga pamilya ang akong kauban nga finalists.Dili lang kay higala ra ang akong tan-aw nila, ako silang giisip nga akong mga igsuon. Dali raman gud mi nga magkasabot kay pareho man mi og hilig,” matud pa niya.
Q and A
Banat News Hugyaw (BNH): Kumusta na sukad ka nahimong Sinulog Idol 2015?
KC: Hangtud karon , presko pa gyud sa akong huna-huna sa dihang nidawat ko sa trophy tungod sa akong pagka-champion. Mapasalamaton gihapon kay ko sa tanang ni-support nako.
BNH: Unsay mga nakat-onan nimo sa maong kompetisyon?
KC: Daghan gyud ko og nakat-onan sa pag-apil nako sa Sinulog Idol. Sa tanan nako nga buhaton, aron matarong nako ang akong pagkanta sa stage, kinahanglan gyud nga dunay salig sa kaugalingon. Nakat-onan pud nako sa Sinulog Idol ang pagpatuman og disiplina sa kaugalingon. Ang labing importante mao ang pagsalig ngadto sa Ginoo.
BNH: Unsay dili nimo malimtan nga kasinatian niadtong imong pag-apil sa Sinulog Idol?
KC: Dili gyud nako makalimtan ang mga workshop nga among naagian. Daghan kay ko og nakat-onan. Siyempre, dili gyud nako malimtan sa dihang napili nga Star of the Night sa upbeat night. Dili gyud lalim intawon, kay kada adlaw ang mga rehearsal pero nagbunga gyud ang akong paningkamot. Nakaingon ko sa akong kaugalingon nga basta maningkamot lang ug mosalig lang gyud sa Ginoo, makaangkon gud nindot nga panghitabo sa imong kinabuhi.
BNH: Unsa nga kanta nga nahaom sa dagan sa imong kinabuhi?
KC: Maka-relate gyud ko og maayo sa kanta ni Kelly Clarkson. Sa tanang butang nga imong buhaton aduna pud kini lain-laing resulta. Duna ka’y gustong maangkon ug imoha kini makuha basta salig lang gyud kang God. Kung duna ka’y maagian nga trials sa kinabuhi, makabangon ra gihapon ka.
BNH: Unsa ka klase nga masuko?
KC: Kung masuko ko kay kalma ra kaayo ko, mohilom raman ko. Ganahan ra ko mag-inusara ug maminaw dayon og music aron ko mahuwasan maong dili ra kay ko mailhan kung masuko nako.
BNH: Kinsa imong gipangandoy nga maka-duet sa entablado?
KC: Siyempre akong idolo nga si Sarah Geronimo, ganahan kay ko niya kay versatile man gud siya nga performer. Grabe ka maayo mokanta ug mosayaw.
Paukyab questions
BNH: Naa na ka’y uyab ron?
KC: Dili sa ko ganahan mohisgot ana kay masuko si Papa… hahaha.
BNH: Target nimo nga edad nga magminyo ka.
KC: Ganahan ko nga magminyo ko sa edad nga 25, pero sa dili pa ko mosulod anang butanga, tabangan una nako akong pamilya. Gusto nako nga matukoran nako og balay ang akong parents maong magtarong gyud ko sa pag-eskwela aron makuha gyud nako ang akong mga pangandoy.
BNH: Mga kataw-anan nimo nga kaagi nga dili nimo malimtan.
KC: Dili nako makalimtan kay sauna, duna time nga nagsige ko’g panungog sa akong classmate, ako siyang gisamok-samok ang resulta natagak bitaw ko sa bangko, hahaha. Nikatawa rapud ko, hahaha.
Name: Kristina Cassandra Dilao
Nickname: KC
Age: 19
Date of Birth: October 12, 1995
Nationality: Filipino
Favorite song: Out of My League
Favorite movie: Letters to Juliet
Favorite TV station: ABS-CBN
Celebrity Crush : Zac Efron
School: Cebu Normal University
Course: B.S. English Language (3rd year)
- Latest
