Laing pelikula
CEBU, Philippines - Gikumpirma ni Jennylyn Mercado nga aduna sila’y pagahimuon nga laing pelikula ni Derek Ramsay. Kahinumduman nga nagmalampuson ang pelikula nila nga “English Only Please.”
Suod nga higala
Subling nagkita sila si Sandara Park ug Ryan Bang didto sa Korea. Gidala ni Sandara si Ryan sa usa ka Filipino restaurant sa Seoul. Kahinumduman nga nagkita usab ang duha sa dihang nitikang si Sandara sa Pilipinas sa miaging tuig.
Panghinaut ni Bret
Nihangyo si Bret Jackson sa katawhan nga unta dili dayon siya hukman kalabot sa pagpangulitawo niya kang Andi Eigenman. Suma pa ni Bret nga tinarong ang tumong niya sa aktres. “Before you judge anyone, take a look at yourself, ganun lang,” suma pa ni Bret.
Bag-ong music video
Opisyal na nga gipagawas niadtong Huwebes ang music video ni Jessica Sanchez nga “This Love” ug ubos kini sa direksyon ni Gabriel Valenciano. Nakabaton dayon kini og 20,000 views pipila ka oras human kini gi-upload sa YouTube.
Nanan-aw og Ellen
Personal nga nisaksi sila si John Prats ug Isabel Oli sa “The Ellen DeGeneres Show” didto sa United States. Kasamtangang nagbakasyon ang duha sa maong nasud sukad pa sa miaging semana.
Concert sa 2015
Gawas sa concert sa One Direction dinhi sa Pilipins, ubay-ubay pa nga international performers ang mag-concert sa nasud. Kini sama nila ni Michael Buble, Christina Perry, ug Ed Sheeran .
I Do contestants, nagbuwag
Nagbuwag ang kanhi “I Do” contestants nga sila si Karen Borbador ug Chris Tan human sa ilang upat ka tuig nga relasyon. Kahinumduman nga naapil ang duha sa nahibilin nga mga paresan sa maong programa apan nakahukom nga dili mudayon gumikan sa personal nga rason.
NGSB si Manolo
Gibutyag sa PBB All-In ex-housemate Manolo Pedrosa nga “NGSB” o No Girlfriend Since Birth” siya. Giingong dugay ma-develop si Manolo sa usa ka babaye. Apil siya sa upcoming series ni Janella Salvador sa ABS-CBN nga “Oh My G!”
Midepensa sa higala
Gitataw ni Iya Villania nga virgin pa ang iyang suod nga higala nga si Nikki Gil bisan pa man og nauyab niini si Billy Crawford sulod sa lima ka tuig. Gibutyag kini ni Iya isip pagdepensa sa iyang higala kinsa gipasanginlan sa mga basher nagpakaaron-ingnon lang kini nga virgin. (John Dante N. Obeso, USJ-R MassComm Intern)
- Latest
