Boyet lolo na naman!

Madaragdagan na si Primo, ang nagsosolong apo nina Christopher de Leon at Sandy Andolong dahil buntis ang misis ng kanilang panganay na si Rafael Sandino.

Nalaman nina Boyet at Sandy ang good news nang magbakasyon sa Pilipinas si Rafael at ang misis nito na si Aerika.

Nakatira ang mag-asawa sa New Zealand at umuwi sila ng Pilipinas para rito mag-celebrate ng Pasko.

Si Rafael ang panganay na anak nina Boyet at Sandy. Nagpakasal sila ni Aerika sa isang simbahan sa Batangas noong May 2013 at halos isa’t kalahating taon din ang hinintay nila bago nagbunga ang kanilang pagmamahalan.

Si Primo naman ang first grandchild nina Boyet at Sandy. Anak siya ni Miguel, ang US-based at second son ng mag-asawa.

‘Hello Vic Lima’

Hello kay Vic Lima, ang friend ko at kontrobersyal na radio commentator ng dzMM.

Regular  reader si Papa Vic ng PSN. Madalas na nakakatanggap ako ng mga text message mula kay Papa Vic na mahilig mag-comment tungkol sa mga column item.

Kapag may mga blind item ako na hindi niya mahulaan,  nagtatanong sa akin si Papa Vic. Nakakatuwa ‘di ba?

Sa gitna ng kanyang busy schedule, talagang may oras si Papa Vic na magbasa ng PSN at magbigay ng opinyon tungkol sa mga balita ko.

Agree si Papa Vic sa opinyon ko na walang karapatan ang ibang mga tao na intrigahin ang ginastos ni Dingdong Dantes sa kasal nito kay Marian Rivera dahil pera naman niya ang kanyang ginamit. Hindi nangutang o walang pinerwisyo na tao si Dingdong ‘no!

At least, natupad ang dream nina Marian at Dingdong na ikasal sa simbahan, hindi sa living room.

May basbas din ng mga alagad ng simbahan ang kanilang pagsasama, ‘di ba Papa Vic?

Rocco nagtanggal na ng balbas

Huling linggo na pala sa TV ng Hiram na Alaala kaya nag-ahit na ng bigote at balbas si Rocco Nacino.

Feel na feel pa naman ni Lovi Poe ang bigote at balbas ng kanyang boyfriend dahil nagkaroon ito ng karakter.

New look si Rocco mula pa noong Pasko kaya bumalik ang kanyang bagets image.

Ang Second Chances ang ipapalit ng GMA 7 sa Hiram na Alaala na magpapaalam na sa ere sa darating na Biyernes.

Jennylyn seksing-seksi sa red bikini

Seksing-seksi si Jennylyn Mercado sa teaser ng Second Chances.

Red bikini ang suot ni Jennylyn habang nakadapa sa  isang eksena ng Second Chances.

Split second lamang ang eksena pero hindi ito nakalampas sa matatalas na mata ng televiewers.

Dahil sa lakas ng impact, huwag tayong magtaka kung masundan pa ang pagsusuot ni Jennylyn ng bikini sa future episodes ng Second Chances.

Alden matagal-tagal nang namamahinga

Stable career at good health ang mga birthday wish ni Alden Richards na nag-celebrate ng 23rd birthday noong January 2.

Nagtatanong na ang fans ni Alden tungkol sa next teleserye niya sa GMA 7 dahil matagal-tagal na rin mula nang mapanood siya sa Ilustrado na may replay sa GMA News TV.

Isa si Alden sa mga young drama actor na pambato ng Kapuso Network. Tiyak na mabibigyan siya ng kanyang mother studio ng bagong teleserye ngayong 2015.