Asia’s Acoustic Sweetheart na si Sabrina may bagong pang-chill at pampa-relax na CD

MANILA, Philippines - Nagbabalik ang Asia’s Acoustic Sweetheart na si Sabrina para sa pinakabagong volume ng I Love Acoustic 7. Ang kanyang I Love Acoustic series ay nakabenta na ng higit sa 250,000 albums sa buong Asya. Ang kanyang mga previous albums ay mga certified multi-platinum hindi lang sa bansa kundi sa Indonesia, Thailand, Singapore, Malaysia, at Korea.

Ang I Love Acoustic 7 ni Sabrina ay naglalaman ng kanyang version ng 15 current hits sa kanyang signature acoustic style. Kabilang dito ang mga kantang Maps (originally by Maroon5), Problem (Aria­na Grande & Iggy Azalea), All of Me (John Legend), Let It Go (Demi Lovato), Magic (Coldplay), She Looks So Perfect (5 Seconds of Summer), Dark Horse (Katy Perry), Say Something (A Great Big World), You and I (One Direction), Best Day of my Life (American Authors), Let Her Go (Passenger), Pompeii (Bastille), Red (Taylor Swift), Ain’t It Fun (Paramore), at Human (Christina Perri).

It also features the single Heart, isang Britney Spears original na inawit ni Sabrina sa isang episode ng KrisTV. Ni-request lang ito ng Queen of All Media na si Kris Aquino na kantahin sa naturang show pero sa huli ay naisama na ito sa album.

“I am so happy that the ‘I Love Acoustic’ series is now on its 7th volume. It’s an honor especially for other countries to support my albums through the years. For a girl like me who just loves to sing to be given such an opportunity is really heartwarming,” bulalas ni Sabrina.

Kung gusto ninyong mag-relax or just to chill, listen to Sabrina’s soothing voice sa kanyang latest album na I Love Acoustic 7.

Ang I Love Acoustic 7, ay mabibili na sa mga leading record stores under MCA Music (Universal Music Philippines). Available rin ito through digital downloads worldwide via spinnr.ph at iTunes, at streaming via Deezer, Spotify, and Guvera.

Para sa bookings at inquiries, maaa­ring tawagan si Sammy Samaniego ng MCA Music Artist Management sa numero bilang +632 9162504 local 107, +639178565174 and +639209682991. Para sa mga updates kay Sabrina bisitahin lang ang mga ss: www.facebook.com/iloveacoustic, www.facebook.com/mcamusic, www.twitter.com/lovelotssabrina or www.twitter.com/mca_music.