Alex gisaway
CEBU, Philippines – Naputos si Alex Gonzaga sa mga pagsaway gumikan kay matud pa sa “trying hard” niya nga pag-arte sa pelikulang The Amazing Praybeyt Benjamin . Wala magpatandog si Alex sa maong istorya ug ang labing importante alang kaniya nga nag-numero uno sa takilya ang maong pelikula.
Iya sa StarStruck
Final na nga si Iya Villania maoy co-host ni Dingdong Dantes sa Season 6 sa talent search program sa GMA nga StarStruck. Gipangandaman na pag-ayo ni Iya ang maong show.
Regine gipili ang TV5
Wala motambong ang Kapuso star nga si Regine Velasquez sa New Year Countdown sa GMA 7 sa bayside sa Mall of Asia gumikan kay nilantaw kini sa New Year Countdown sa TV5 sa Quezon City Memorial Circle isip pagpakita og suporta sa iyang bana nga si Ogie Alcasid kinsa maoy host sa nahisgutang kalihukan.
Milugwa sa CNN
Nahimuot pag-ayo ang tibuok puwersa sa TV5 nga gipakita sa CNN ang pipila ka bahin sa ilang New Year Countdown sa Quezon City Memorial Circle. Nasayran nga gigastohan og maayo sa TV5 ang maong countdown.
P7M ang cake?
Miulbo ang hungihong nga matud pa P7 million ang kantidad sa taas nga wedding cake nila ni Dingdong Dantes ug Marian Rivera. Nigawas sa mga news program sa ubang nasud ang kalabot sa kasal nila ni Dingdong ug Marian.
Palagot sa kontra
Kanunay na nga mo-post si Andi Eigenmann sa iyang hulagway s a Instagram kung diin kauban niya ang aktor nga si Bret Jackson. Gituohan nga mao kini ang panimalos ni Andi sa iyang ex-boyfriend nga si Jake Ejercito kinsa kanunay usab mag-post og hulagway uban sa bag-ong hinigugma niini nga si KC del Rosario.
Kuya Germs na-mild stroke
Nakasinati og mild stroke ang beteranong TV host nga si German "Kuya Germs" Moreno niadtong Biyernes.
Nalandig si Kuya Germs sa Acute Stroke Care Unit sa St. Luke‘s Medical Center.
"His right leg is at 50% mobility. 0% on his right arm and a bit slurry on his speech. We humbly ask for your prayers for his quick recovery. Please pray for Papa,” tipik sa mensahe sa anak ni German nga si Federico Moreno sa dihang giinterbyu kini sa StarTalk pinaagi sa Facebook.
- Latest
