Mga hamon ni Kuya Kim sa Kapamilya stars at anchors, babalikan sa Matanglawin

MANILA, Philippines – Salubungin ang bagong taon sa mga pasabog na experiments na ginawa ni Kuya Kim kasama ang inyong paboritong Kapamilya personalities ngayong Linggo (Jan 4) sa Matanglawin.

Tunghayang muli ang news anchors na sina Korina Sanchez, Doris Bigornia, at Karen Da­vila at mga artistang sina Judy Ann Santos-Agoncillo, Melai Cantiveros, Erich Gonzales, Jason Abalos, Enrique Gil at Bamboo sa pagsabak nila sa iba’t ibang mind games tulad ng pagbalanse ng baso ng juice sa ibabaw ng papel o paghihiwalay ng dalawang magkadikit na libro gamit ang mismong mga pahina nito.

Hindi rin nagpahuli ang mad­lang pipol na sinubok din ang dunong at lakas sa mga iba’t ibang hamon.

Lahat ng iyan sasainyo ngayong Linggo (Jan 4), 10 AM sa Matanglawin.