Sarah hindi talaga priority si Matteo?!

Mukhang maba-bash sa social media si Sarah Geronimo dahil inuna niyang pinanood ang movie nina Derek Ramsay at Jennylyn Mercado na English Only, Please kaysa sa Shake Rattle & Roll XV sa MMFF kung saan ay kasama ang boyfriend niyang si Matteo Guidicelli. Kung ang boyfriend niya ay hindi magdamdam at maiintindihan ang gina­wa niya, ang kanyang fans ay hindi.

English Only… nina Derek at Jennylyn dumami ang manonood

Wagi sina Derek Ramsay at Jennylyn Mercado ng Best Actor at Best Actress sa Gabi ng Parangal ng Metro Ma­nila Film Festival (MMFF) para sa pelikulang English Only, Please. Kung dati ay humahatak lamang ito ng manonood sa ganda ng mga sinasabi ng mga nakakapanood na nito, ngayon ay nagkaro’n na ng interes ang mas marami pang manonood dahil sa pagkapanalo nila. Napilitang magpalit ng ka­nilang panonoorin ang maraming hindi nakapasok sa second to the last screening nito sa Trinona Ci­ne­­ma noong nakaraang Linggo.

Bagong lider ng mga Aswang ni Dingdong inaabangan na

Maganda ang ipinamalas ni Isabelle Daza sa Kubot: The Aswang Chro­nicles 2. Marami ang natuwa sa maaksyon niyang pagganap bilang aswang sa pelikulang pinagbibidahan ni Dingdong Dantes.

Karapat dapat naman si Lotlot de Leon sa nakuha niyang award. Markang-marka ang nakuha niyang role sa pelikula na mas nakakatawa kaysa nakakatakot. Nga­yon pa lamang ay interesado na ang mga ma­no­no­od na gawin ang ikatlong fran­chise nito para malaman kung ano ang mangya­yari sa anak ni Dingdong nang isoli sa kan­ya na isa nang aswang. Hanggang kailan nila ma­ibibigay ang hilig nito sa karne? At ano’ng kla­seng la­ban ang magaganap sa pagitan nina Dingdong at ng bagong pinuno ng mga aswang na gagampanan ni Ma­rian Rivera?

Kris at Coco hindi nahulog sa isa’t isa

Come to think of it, walang love angle ang Feng Shui 2 kahit pa parehong single ang mga bida rito na sina Kris Aquino at Coco Martin. Kung meron mang nagtangkang lagyan ng ro­mantic angle ang promosyon ng movie ay hindi nagtagumpay dahil masugid si Kris sa pagpa­paliwanag kung bakit hindi sila puwedeng ma­ging item ni Coco, at nagawa naman niyang pa­paniwalain ang mga nagtatanong. Sa kabila ng ka­kapusan ng romansa at love angle sa Feng Shui, nagna-No. 2 ito dahil mas nagugustu­han ng ma­nonood ang istorya ni Chito Roño at ang bagong pa­kikipagsapalaran ng mga dating nagma­may-ari ng bagwa. Hindi ka papatayin ng pelikula sa takot, pa­titiliin ka lamang nito sa mga nakagugulat na mga eksena.