Seven Loves

Malipayong Bag- ong Tuig kanatong Tanan mga SweetKaButanding! Kadali sa dagan sa panahon, murag gahapon lang pero usa na pud ka hugna sa atong kinabuhi ang atong atubangon. Manghinaut ang inyong Yur’s truly nga sa pagsugat sa bag-ong tuig nga magmalinawon ug puno sa gugma. Ang inyong Mother Butanding sugaton ang Bag-ong Tuig og trabaho, bisan pa man nga wala ko sa akong pamilya apan ang akong gugma anaa lang gihapon kanila. Yes, sakto gayud sila nga tungod sa tawag sa trabaho adunay mga butang nga mosakripisyo ka. Ang inspirasyon nga kining tanan among gibuhat tungod ug alang sa among pamilya. Mao nga sugdan nato og palihi ang Bag-ong Tuig sa kayod, kayod, kayod trabaho!

Siyempre sa atong trabaho nga naa sa industriya sa showbiz dili gayod malikayan ang mga artista nga nitatak sa akong dughan gumikan kay nakauban nako sila sa trabaho. Mao kini ang Pito ka mga artista nga naa sa akong listahan.

7. Jonalyn Viray- Maayo nga singer pero bisan og dili GMA shows unya magkita mo sa usa ka event dili gyud makalimot pagtagad kanimo. Siya ang singer, no Spaghetti eating before the show kay madaut ang iyang voice quality. Unya siya usab ang mu-suggest kung unsa nga tambal ang imong paliton kung gipagaw ka unya naa kay raket.

6. Bettina Carlos - First namong kuyog og host sa Dumaguete City, murag instant coffee ang among pagka closeness naay magic on stage, unya nasundan pa kini og balik sa Cebu para sa ilang teleserye. Didto ko ni bow niya kay we took a photo together unya gi post niya sa instagram. Everytime magkita mi para sa show gaan siya ika trabaho.

5. John Feir – Gumikan sa Let’s Fiesta mas akong nailaila si Kuya John very down to earth nga pagkatawo, bisan panahon pa sa Oi show nato ni! Dili nako makalimtan nga iya kung tudluan sa mga eksena para mogawas ang imong pagka natural sa pagpakatawa. Karun nga mag-upat na mi ka tuig magkuyog mas daghan pa ko’g gusto mahibaw-an sa iyang sekreto sa pagpakatawa.

4. Mark Herras - Bisan panahon pa sa StarStruck Batch 1 siya lang gihapon ang Mark Herras nga akong nailaila. Bisan pa man nga Papa Mark na siya karun, ang iyang pagtagad kanako o kanamo sa mga staff kay is the same lang gihapon. Yes, personally kaila nako ang mama sa iyang anak kay kaniadto nakauban nako kini og trabaho sa usa ka noontime variety show.

3. Mike Tan- Waaaaaaa! Ang akong HD (hidden desire ) tungod siguro sa iyang gym fit  body nga I find it so sexy and very neat. Kung sa akting pud ang hisgutan pasok sa banga si Mike Tan. Siya ang artista nga sige ko’g pa fansign. Waaaaa! Unya kiligon dayon ko. Siya ang ni lenggua nako sa dihang gakaon mi human sa show :

Me: Mike, gusto mo ng ice cream?

Mike : ikaw , gusto mo?

Me : ( sa akong huna-huna) ikaw ang akong gusto!!!! Hahahaha!

2. Benjamin Alves - another subject of my HD (hidden desire) OMG! Nagkauban mi sa shoot sa Dumaguete City para sa Lets Fiesta episode, pagka gwapo naman lang gyud ni Benj. Una nako siya nakit-an sa salida nilang Lovi Poe ang Guni- guni, pagka na man lang gyud especially sa ilang eksena. Very sporty usab si Benj. Pero hinay hinay nawagtang ang akong HD niya kay sa Instagram tawgon naman kog Mama oi! Unya nibilib gyud ko sa kabuotan ni Benj kay iyang giduaw sa hospital ang Mama ni Kuya Otep ( among head ep ) sa dihang na confined kini nga kalit lang kini nilugwa.

1. Alden Richards - Pinaka Ultimate Crush ! Hahahaha! Una namong kauban sa trabaho sa Bohol halos dili motingog, kung naa kay pangutana diha ra ka niya tubagon pero karun...maayo na kaayo modala sa iyang mga fans! Picture kung picture! Chika kung chika. MaHugyaw ko oi kay kada kita namo kusog kaayo mangumot si baby Alden. Ako siyang sugsugon permi og “ sige pa po please” mokatawa ra man unya padayon gyud og kumot. Unsa ang kumuton? e-PM lang nako sa FB. Hahahaha !

Sa pagsulod sa Bag-ong Tuig mag-uban lang gihapon kita sa mga BisChika!!!!