Bianca na-pressure

CEBU, Philippines – Gitataw ni Bianca Umali nga daghan pa siya og mga agian busa na-pressure siya og maayo  kalabot sa mga obserbasyon nga siya ang sumusunod sa tunob ni Marian Rivera. Gibutyag sa aktres nga maningkamot lang siya hangtud nga molambo og samot ang iyang career.

Gimingaw sa pamilya

Ang makauban ang iyang mga minahal niya sa kinabuhi maoy buhaton ni JC de Vera sa Pasko. Nasayran nga panagsa na lang kini mabuhat ni JC gumikan sa ka-busy sa iyang showbiz career.

Wala’y bakanteng oras

Gipadayag ni Zanjoe Marudo nga dili sila maka- Christmas vacation sa iyang girlfriend nga si Bea Alonzo gumikan kay dili gyud magkatakdo ang ilang mga bakanteng oras.  “Wala pang plano kasi ‘di nga namin alam kung makakabangko kami sa taping,” suma pa ni Zanjoe.

Gumikan sa Pasko

Nahibalik na ang maayong relasyon nila ni Gretchen Barretto ug Nadia Montenegro nga nag-away kaniadto gumikan sa mga istorya nga naglambigit sa ilang mga pamilya. Nagkita ang duruha atol sa birthday ni Lorna Tolentino ug naggakos sila isip timaan nga kalimtan na nila ang nahitabo.

Be Careful nagmadaugon sa Vietnam

Ang kanhi serye sa ABS-CBN nga  "Be Careful With My Heart”  maoy napili nga  Favorite Foreign Drama Series sa  Green Star Awards didto sa  Vietnam niadtong Lunes sa gabii.

Ang bida sa maong serye nga si Jodi Sta. Maria mao usab ang napili nga  Favorite Foreign Actress, samtang ang leading man niya nga si  Richard Yap mao pud ang napili nga Favorite Foreign Actor.

Nitikang ang duruha ka mga bida sa Vietnam niadtong Lunes sa buntag aron personal nga modawat sa ilang award.  Kauban ni Richard ang iyang asawa nga si Melody, samtang gipauban usab ni Jodi ang anak niya nga si Thirdy.